Popular Bible Verses from MALAKI 3

Share

Oibu kebeberwek tugul che po taman kobwa choge, si kobiit amitwogik eng' koonnyu, ak otyema anyun eng' nooto, mwaei Kamuktaindet ne Toroor ne po lugoosyek, si ogeer ngo ma yaatwok tirisyogap kipsengwet ak aroong'wok perurto kot koma komi ole ondoi.

Ak agerwok kong' ne amisyoti, si ma ng'em ruroteetap emeng'wong'; ama koosu keetiikwok che po sabibuk kotomo koit peetuusyek, mwaei Kamuktaindet ne Toroor ne po lugoosyek. Ak koguurenok pororyosyek tugul piik che poiboi, amu oegu emet ne ki chamei kot, mwaei Kamuktaindet ne Toroor ne po lugoosyek.

Ak mwaei Kamuktaindet ne Toroor ne po lugoosyek kole, “Punjino icheek, eng' peetuut ne ayae icheek koek kinnyu ne nenyu aneege; ak ariiree icheek ko uu ye riiree chii weeriinnyi ne poisyechin. Yeityo oweege ak obesye chiito ne po iman ak kiptengekyot, obesye ineendet ne otei Kamuktaindet ak ne maotei.”

Ogeero, ayoogu chiinyu, kayooktoin si kochop ooreet eng' tainnyu. Ak nyoonei matiny hekalunnyi `Kiptaiyat ne ocheeng'e. Nyoonei kayooktoin ne po arorutyet ne oboiboitune, mwaei Kamuktaindet ne Toroor ne po lugoosyek.