Popular Bible Verses from LUKA 7

Share

Nooto anyun ne kamwaun ale, kagenyochi kaat tengekwogikyik, che ka chaang'; amu chamei miising': ago ineendet ne kinyochin kaat kitigin, kochamei agine kitigin. Koleenji kobogoryondonooto, “Kagenyoun kaat tengekwogiguk.”

Ak ki leenji kobogoryot, “Kagosaruun kayaneng'ung'; ui eng' kaalyeet.”

ak ki tonon eng' let ole neegitee keelyekyik, koriirei, ak ki toi kosachi peegap kong' keelyekyik, ak kouuse suumeekyik, ak kong'utut keelyekyik ak koilee mwaata.

nooto anyun, agot anee, koma aiitkei ale nyolu anyoonjin: ago mwaa ng'olyoot kityo, ak kosap otwogindennyu. Agot anee, nganda aa chii ne kiboiywa, atinye kiplugotinik che abou, ak ngaleenji ni, Ui, kowendi; ak ngaleenji age, Nyoo, konyonei; ak ngaleenji otwogindennyu, Yai ni, koyaei.” Ak ye kingo kas Jeso ng'aleechuuto, kokwong' agobo ineendet, ak kiwelelgei ak koleenji tuiyet ne ki isubi ineendet, “Amwaiwok ale, tomo anyooru kayaneet ne oo ne tee ni, achicha, agot eng' Israel.”

Eng' sainooto kosoop che chaang' che ki tinyei myanwogik ak korotwek ak tamirmirik che yaacheen; ak ki igoochi kipkoratinik che chaang' kogeerto. Kowolji koleenji, “Oba omwachi Johana tuguuk che kaogeer ak che kaogas; kigoochin kipkoratinik kogeerto, ak pendoti che koing'waldos, kitiliili che tinyei mogondosaik, ak kastoi che ming'otin, king'eeti che ki kobek, ki amjin kibananook logoiywek che myach.