Popular Bible Verses from LUKA 14

Share

“Ngo nyoonjo chii, ama wech kwanda, ak kamet, ak osotyonnyi, ak lagokyik, ak weeriik che tupcho, ak chepkametinik, ee ak saboondanyi agine, koma imuuchi koek kasubindennyu.

Ak chii age tugul ne ma ibei kimurtoiyondennyi, ak kosubwo, koma imuuchi koek kasubindennyu.

Amu age tugul ne itoroorigei kiming'ini; ak ineendet ne iming'inegei kitoroori.

Nooto anyun, chii age tugul eng' okweek ne ma pagaaktoi tuguukyik tugul, koma imuuchi koek kasubindennyu.

Amu ng'oo eng' okweek, ne machei koteech koot ne kooi, ama toi kotep ng'wony korook ak koiit tuguuk, ngo tinyei che yamei kogesune koot? Si ma ye kagotonon lumeiywot, ak koma komuuch kogees, kotoi kochurachur ineendet tugul che keerei, kole, ‘Ki toi chiichi koteekso ago ma imuuch kogees.’

Ago ye ichop igoorto, iguur kibananook, ak che po mugungon, ak che ing'waldos, ak che koryotiin: si kiberuurin; amu ma tinyei icheeget che weegun: amu tuun kiweegun eng' ng'eetyeetap che po iman.”

“Myachen muunyuk: ago ngo kagogeskei anyinyindanyi, kota ki anyinyee nee? Ma kotilei kiy eng' emet anan eng' kapng'atat: kilaktoi. Ineendet ne tinyei iitiik che kastoe, kogas.”