Popular Bible Verses from TAUNET 49

Share

Ma istoegei Judah kirokto ne po pounateet, ak ma petei ne igoitoi ng'atuutik eng' iyotennyi, agoi koit Shiloh; ak kase iit piik tugul ineendet.

Josep ko keetit ne yiei kot, ne yiei kot ne mi ye neegitee kondap peek; iwaktoi mooriik kosiirei inaatut. Kagogoochi ineendet ng'wanindo che mwoktoi kotyek, kamwok ineendet ak kausaus ineendet miising'.

Ago tebye kwangennyi eng' kimnateet, ak ki kimegitu eunekyik, eng' eunegap Ineendet ne Kiim ne po Jakobo, eng' kainetap Mestowot, Koita ne po Israel, agot eng' Kamuktaindet ne po kwandang'ung', ne tuun toretin, eng' Kamuktaindet Ne po Kamuktaet ne tuun iberuurin, eng' perurwogik che po parak kipsengwet, ak perurwogik che mitune rireet, perurwogik che po kinaik, ak che po iyoteet.

Inyeendet Judah ne tuun ilasun tupchosyeguk. Indoi eung'ung' kaatitap puuniguk; ing'uruukyinin weeriigap kwandang'ung' eng' taing'ung'. Judah ko neraneetap ng'etundo; kaiwe weeriinnyu eng' ole kaibarchi tyondo. Ki ing'uruuk, koribis ko uu ng'etundo, ak ko uu ng'etundo ne nyebuito; ng'oo ne ing'eeti?

Inyeendet Reuben ko ii weeriinnyu ne po tai, ii kamugennyu, agoi taunetap kimnateennyu; Etunateet ne po toroorindo, ak etunateet ne po kimnateet. Iwasegei ko uu peek, menyooru anyun etunateet; Amu ki iwe itoogutap kwandang'ung'.