Popular Bible Verses from Marcos 14

Share

Eropa arĩtuha ĩgʉ ero core mero wanemo, yebague mereja, Goãmʉre arĩpʉ: —Ahʉ, mʉhʉ árĩpehrerire iimasia. Eropigʉ yʉ ñero tariburire iidiabigʉ iibiricãque. Yʉ eropa arĩquerecʉ̃ ta yʉ gamero dopa iibita. Mʉ basi masia. Mʉ gamero dopa iique, arĩ serẽpʉ ĩgʉ Goãmʉre.

Õaro iique mʉa. Mʉa pepiri mera õarire iidiaraa mʉa. Mʉa seyaro irire iidiaquererã ta irire bocatĩubeaa. Eropirã Goãmʉre serẽniguicãque ñero mʉa iibiriboro dopa, arĩpʉ Jesu Pedrore.

Eropigʉ diaye mʉare arĩgʉ iiaa. Árĩpehrero i yebaguere, õari buherire erã wereroguere igo õpa iirare wererãcoma. Erã eropa arĩ werecʉ̃ peerã masa bajarã igo iirare guñarãcoma.

Eropa ñero pepigʉ ĩgʉ mera majarãre ĩgʉ sihugãnirãre arĩpʉ: —Bʉrigã ñero yʉ sĩporãcʉca. Yʉre turaro pũriro dopa pepica yʉa. Sohõñari wanigʉ iiaa. Ohõ dujanique. Eropirã yʉ mera ta tʉyʉque mʉa sã, arĩpʉ Jesu erãre.

Eropigʉ Jesu erã mera barisubu panre aĩ Goãmʉre “Õhaa,” arĩ serẽpʉ. Eropa arĩgʉ ta irire nuha guerepʉ erãre õpa arĩgʉ: —Ire aĩ baque. I yʉ dʉpʉ ãhraa, arĩpʉ Jesu erãre.

Eropa arĩtuha ĩgʉ ihriripare aĩ, Goãmʉre “Õhaa,” arĩ serẽpʉ. Erãre ĩgʉ ocʉ̃ árĩpehrerã erã irire ihriñorã. —I yʉ di ãhraa. Bajarã masa erã ñero iirare cóãbu sĩrigʉca. Eropigʉ yʉ dire cóãgʉca. Eropa sĩrigʉ Goãmʉ yʉ Pagʉ “Masare õaro iigʉra,” ĩgʉ arĩdiro ii ojogorocʉgʉca.

Erogue sihu ejagʉ Jesu erãre werepʉ: —Dohpagã ñami mʉa árĩpehrerã yʉre cóãrãca. Mʉa yʉre cóãborore õpa ta arĩ gojamʉhtañuma Goãmʉ yare erã gojarapũgue: “Ovejare ĩhadibugʉre erã wejẽcʉ̃ waro dopa ta iigʉca. Yʉ eropa iicʉ̃ oveja ĩgʉ yarã ĩgʉre cohãgã warãcoma,” arĩmi Goãmʉ, arĩ gojañuma.

Wahgãque. Ina warã. Ĩaque. Yʉre ĩhaturirãre ĩhmubu ohõ ahrimi, arĩpʉ Jesu erãre.

Jesu yʉhripʉ: —Diaye arĩgʉ iiaa mʉre. Dohpagã ñamire cãreña pesubu ĩgʉ wereboro core, mʉ ʉhresubu “Yʉhʉ Jesure masibeaa,” arĩgʉca mʉhʉ, arĩpʉ Jesu ĩgʉre.