Popular Bible Verses from Marcos 10

Share

Eropa árĩgʉ tiiaa yʉ sã. Masare dorebiragʉ arigʉ iibiribʉ. Yʉhʉ masʉ Goãmʉ ĩgʉ obeodigʉ árĩqueregʉ ta, i yebaguere masare itamugʉ arigʉ iibʉ. Eropigʉ masa bajarã erã ñero iira dipuwajare sĩribasagʉ arigʉ iibʉ. Eropigʉ erã peamegue wabonirãre taugʉ arigʉ iibʉ, arĩpʉ Jesu erãre.

Erã eroparĩcʉ̃ peegʉ Jesu erãre ĩhabeo õpa arĩpʉ: —Masa erã bocatĩuro erã õaro iiri mera tarimasibeama. Goãmʉ pohrogue wamasibeama. Goãmʉ dihta masare peamegue wabonirãre taumasimi ĩgʉ pohro wamorãre. Ĩgʉ árĩpehrerire õaro iimasipehocãmi, arĩpʉ Jesu erãre.

—Mʉ yʉre umupeonijagʉ õagʉ wahaa. Eropigʉ wanisa, arĩpʉ Jesu ĩgʉre. Ĩgʉ eroparĩcʉ̃ ta cuiri ĩhajabigʉ õaro ĩha wapʉ. Õagʉ wanijagʉ Jesu mera mague nʉrʉsia wahgã wapʉ.

Eropirã Goãmʉ ĩgʉ doreri mera mojotodirima. Eropirã game cóãbiricãro gahmea erãre, arĩpʉ Jesu erãre.

Jesu ĩgʉre ĩhamehtu mahipʉ. Eropigʉ õpa arĩpʉ: —Merogã dʉhyaa mʉre mʉ iipehoboro. Árĩpehrerire mʉ yare duaque. Eropigʉ árĩpehreri mʉ wajatarare mojomorocʉrãre oque. Mʉhʉ eropiicʉ̃ baja õari ʉmarogue Goãmʉ pohroguere árĩyuroca. Tuhajanugu yʉ mera majagʉ árĩbu arique, arĩpʉ Jesu ĩgʉre.

Eropigʉ Jesu serẽpipʉ ĩgʉre: —¿Dohpa yʉhʉ mʉre iicʉ̃ gahmeri mʉhʉ? arĩ serẽpipʉ Jesu ĩgʉre. —Yʉ opʉ, yʉre cuiri ĩacʉ̃ iique, arĩpʉ ĩgʉ cuiri ĩhajabigʉpʉ.

Mʉapʉ ne eropa iisome mʉa basi. Mʉa mera majagʉ opʉ árĩdiagʉ, árĩpehrerã ĩgʉ mera majarãre itamugʉ árĩporo.

Diaye arĩgʉ iiaa mʉare. Oãgã Goãmʉre gamediro dopa ta mʉa Goãmʉre gamebirã ĩgʉ pohrogue wasome mʉa. Mʉa wabiricʉ̃ mʉa opʉ árĩsome ĩgʉ, arĩpʉ Jesu.

Dohpaguere bajarã oparã árĩnirã irisubure bu árĩrã dujacãrãcoma. Eropirã dohpaguere bajarã bu árĩnirãpʉ oparã dujarãcoma daja, arĩ werepʉ Jesu erãre.

Ĩgʉ eropa arĩ gojara árĩquerecʉ̃ ta, negohraguere Goãmʉ mʉa marasã nomere cóãcʉ̃ gamebiriñumi. I yebare ĩhacũnugugʉ ʉmʉ, nomeo sãre iiñumi. Eropigʉ ʉmʉ ĩgʉ pagʉ sʉmarãre cohã wiria ĩgʉ marapo mera árĩgʉcumi. Eropirã erã perã árĩquererã ta, yuju dʉpʉ iro dopa árĩrãcoma. Eropirã erã perã iro dopa árĩbeama. Yuju dʉpʉ iro dopa ãhrima erã.