Popular Bible Verses from Mateo 22

Share

Jesu ĩgʉre yʉhrimi: —“Bʉrigã mʉa sĩporã mera, mʉa turari mera, mʉa õaro guñari mera Goãmʉre mʉa Opʉre mahique,” arĩmi Goãmʉ. Iñe doreriñe õatariariñe ãhraa. Iñe doreriñe pʉhrʉ gajiñe doreriñe sã õataria: “Mʉ basi mahiro dopa ta mʉ pohro árĩrã sãre mahique,” arĩmi Goãmʉ.

Iñe peñe doreriñere iirã árĩpehreri gaji dorerire iipehorã iiaa mari. Goãmʉ yare weremʉhtanirã iribojegue erã gojara sãre iirã iiaa mari eropa iirã, arĩ weremi Jesu.

Ĩgʉ eropa arĩra pʉhrʉ õpa arĩtumi ĩgʉ: —I queori wadiro dopa ta Goãmʉ bajarã masa ĩgʉ sihubeonirã árĩquererã ta bajamerãgã ĩgʉ mera dujarãcoma, arĩ weretumi Jesu.

Sĩrinirã erã masa mʉriara pʉhrʉ erã anyua iro dopa ãhrima. Erã ʉma nome mera marapocʉbeama eroguere.

Dohparagã niyerusere oparã yare wajayeburisere aĩrique. Irisere ĩarã, arĩmi ĩgʉ. Ĩgʉ eroparĩcʉ̃ peerã niyerusere aĩgãrima erã. Erã irisere aĩ eracʉ̃ ĩagʉ ĩgʉ serẽpimi erãre: —¿Nihino gohra masʉ waĩcʉgʉ tuhyari irisere? ¿Noa waĩ tuhyari? arĩ serẽpimi ĩgʉ. —César waĩcʉgʉ masa tauro opʉ masʉ ĩgʉ waĩ sã tuhyami iriseguere, arĩ yʉhrima erã. Erã eroparĩcʉ̃ peegʉ Jesu weremi: —Irisubu tamera masa tauro opʉ yare ĩgʉre oque. Goãmʉ yare Goãmʉpʉre oque, arĩmi Jesu.