Popular Bible Verses from Lucas 8

Share

Eropi õari yeba yurimerejarayeri õari buheri iro dopa ãhraa. Eropirã masa õari buherire õaro mera pee peenʉrʉcãma. Eropirã duhuro mariro Goãmʉ ĩgʉ gamero dopa ta õarire iima, arĩpʉ Jesu.

Eropi pora yucʉ weca yurimerejarayeri õari buheri iro dopa ãhraa. Eropirã masa õari buherire peequererã ta, i yeba majare wʉaro pepirã, niyerure gamerã, i yeba majare gahmema erã. Eropirã iripʉ õari buherire cãhmotaa. Iri cãhmotacʉ̃ masa Goãmʉ gameripʉre iibeama.

Ʉtã weca yuri merejarayeri õari buheri iro dopa ãhraa. Eropirã masa õari buherire pee, mucubiriri mera irire pee aĩma. Eropa pee aĩquererã ta ʉtã weca árĩri yucʉ nuguri mariri yucʉ iro dopa ta oã masa sã turabeama. Eropa turabirã yaha õari buherire erã peera dipuwaja gajirã erãre ñero iicʉ̃ ĩarã yahapʉre duhucãma.

Eropa wara pʉhrʉ Jesu erãre õpa arĩpʉ: —¿Mʉa yʉre umupeobeari? Erãpʉ güi, ĩha ʉca, õpa arĩ wereniguiñorã erã basi: —Cue, ¿ñehmʉno masʉ ãhriri ihĩ? Miruñe, pãgúri sã ĩgʉ dorecʉ̃ tarinʉgabeaa ĩgʉre, arĩñorã erã basi.

Eropiro ma tʉro yuri merejariyeripʉ õari buheri iro dopa ãhraa. Eropiro masa erã õari buherire peecʉ̃ ĩagʉ watĩpʉ ahri, iri buherire masidorebeami masare. Ĩgʉ eropa iibiricʉ̃ erã Goãmʉre umupeoboñuma. Erã eropa umupeocʉ̃ ĩagʉ Goãmʉpʉ erãre peamegue wabonirãre tauboñumi.

Mari iiraguere Goãmʉre duhmasiya mara. Pʉhrʉguere árĩpehreri masisũroca. Sihãgodiru ñamire boyoro dopa ta iribojegue erã masibirirare masirãcoma masa.

Ĩgʉ eroparĩcʉ̃ peego igo duhrimasibigo, naragãgo Jesu pohro merejapo. Eropigo árĩpehrerã masa erã peero igo arĩpo Jesure: —Yʉhʉ ñeañabʉ mʉre. “Ĩgʉre ñeañacʉ̃ yʉ dore taria waroca,” arĩgo mʉre ñeañabʉ. Yʉ mʉre eropa ñeañago mata õago wahabʉ, arĩpo. Igo eropa arĩtuhajacʉ̃ Jesu igore werepʉ: —Mahgo, yʉre mʉ umupeori mera õago dujaa dohpaguere. Mucubiriri mera waque, arĩpʉ igore.

Eropa wacʉ̃ ĩha ʉca wa, Jesu pohro waha, ĩgʉre wahgũñorã. —Buhegʉ, mari mirimorã iiaa, arĩñorã erã. Erã eroparĩcʉ̃ Jesupʉ wahgã, miruñere “Iripẽta weã duhuque,” arĩpʉ. Eropa arĩgʉ pãgúrire “Yʉsʉaque,” arĩpʉ. Ĩgʉ eroparĩcʉ̃ ta miruñe taria wayoro. Eropiro pãgúri sã yʉsʉ dija wayoro.