Popular Bible Verses from Juan 20

Share

Dipaturi Jesu gʉare õpa arĩmi daja: —Õaro árĩque mʉa. Yʉ Pagʉ ĩgʉ yʉre obeodiro dopa ta yʉ sã mʉare obeoa, arĩmi gʉare. Eropa arĩtuhaja gʉare ĩgʉ purisãmi. Eropa purisãgʉ Espíritu Santore gʉa ñeaburire ĩhmugʉ iimi. Ĩhmutuhaja õpa arĩmi: —Dohpaguere Espíritu Santore ñeaque mʉa mʉa mera árĩbure.

—Yʉre mʉ ĩara pʉhrʉ yʉre “Diaye ta ãhraa,” arãa. Gajirãpʉ yʉre ĩabiriquererã ta “Diaye ta ãhraa,” arĩ umupeorãcoma. Eropirã erã turaro mucubirirã árĩrãcoma, arĩmi Jesu Tomare.

Eropa arĩtuha ĩgʉ Tomare weremi: —Ĩaque yʉ mojotorire. Eropi mʉ mujusĩru mera yʉ mojotorire erã pabiara goberire puñaque. Eropigʉ mʉ mojoto mera yʉ patore gubuye árĩri gobere sĩ acuñaque. “Diaye árĩbeaa,” arĩbiricãque. “Diaye ta ãhraa,” arĩque mʉhʉ, arĩmi Jesu Tomare. Ĩgʉ eropa arĩra pʉhrʉ Toma yʉhrimi: —Mʉhʉ yʉ Opʉ ãhraa. Mʉhʉ yahagʉ Goãmʉ ãhraa, arĩmi Toma Jesure pare.