Popular Bible Verses from Hechos 1

Share

Eropirã mʉare Espíritu Santo ĩgʉ eracʉ̃ Goãmʉ ya turarire oparãca mʉa. Iri turarire mʉa oparã Jerusalén majarãre, árĩpehrerã Judea majarãre, Samaria majarãre, árĩpehreri yeba majarãre õari buherire buherãca mʉa yaha árĩburire. Yʉ sĩrirare, yʉ masa mʉriarare erãre buherãca mʉa, arĩ werepʉ Jesu erãre.

Erã eroparĩcʉ̃ peegʉ Jesu õpa arĩpʉ: —Mari Pagʉ dihta irinʉrire mʉa ya yebare mʉa õaro árĩborore apimasimi. Irinʉrire mʉare masiya mara.

Gajisubu Jesu ĩgʉ apinirã mera árĩgʉ õpa arĩ erãre werepʉ: —Jerusalén ta árĩnique dohpa. “Espíritu Santore mʉare obeogʉra,” yʉ Pagʉ ĩgʉ arĩdigʉre corenique. Irire ĩgʉ eropa arĩrare mʉare wereabʉ yʉhʉ. Ñu mʉare waĩyegʉ deco mera mʉare waĩyemi. Yʉpʉ ĩgʉ iira tauro iigʉra mʉare. Espíritu Santo mʉa mera ĩgʉ árĩniguicãcʉ̃ iigʉra mʉare, arĩpʉ Jesu.

Eropi Jesu ĩgʉ crusague ĩgʉ sĩrira pʉhrʉ yujuyerisuburi dʉpʉcʉgʉ dehyoapʉ ĩgʉ apinirãre. Cuarenta nʉri pʉhrʉ dehyoatupʉ. Eropigʉ ĩgʉ ĩgʉ basi ojocarigʉ árĩrire ĩhmupʉ erãre. Eropa dehyoagʉ Goãmʉ mari Pagʉ ĩgʉ opʉ árĩrire õari buherire werepʉ erãre.

Eropa arĩ weretuhaja, Jesu ʉmarogue mʉria wapʉ. Erã ĩgʉre erã ĩhanʉrʉsia mujucʉ̃ imica cururi pohecague ñaja dedere mʉria wapʉ.

Eropirã erã Jesu ĩgʉ mʉriagʉre erã ĩhanʉrʉsia mujurisubu perã anyua boreri suhricʉrã Jesu ĩgʉ apinirã pohro dehyoanʉgajañorã. Eropirã erãre õpa arĩñorã: —Mʉa Galilea majarã, ¿duhpirã ĩhamuju niguirã iiri mʉa? Ihĩ Jesu ʉmarogue mʉriagʉ, ĩgʉ mʉriadiro dopa ta dipaturi arigʉcumi daja, arĩ wereñorã anyua.