Popular Bible Verses from Madyu 15

Share

Hibur aŋ kale yaŋ gasɨ naij nɨŋbal u me, prɨ halö mɨdpal. Gasɨ kale ke nɨŋöm, gasɨ naij nɨŋöm, nɨbi bɨ al pak löm, nɨbi si bɨ si göm, nan gau si udöm, manö kub hagnaböl ñɨn u manö piral hagöm, nɨbi bɨ rɨmnap kalɨp hag juöm, gɨpal.

Nɨbi bɨ gau nan magö gau haƚöwaƚö ñɨŋlö, hibur aŋ kalɨp yaŋ amöm prɨ gagöp; hibur aŋ kale yaŋ gasɨ naij nɨŋöm hagpal u me, prɨ gac halö mɨdpal,” a ga.

‘Nɨbi bɨ gai i manö pir alöm hagpal, “God Bɨ Kub hon,” a gɨpal u pen yɨharɨŋ manö nöp hagpal; yɨp mɨdmagö lagpal. Yɨp sabe göm, yɨharɨŋ manö nöp hagpal. God Manö nɨbi bɨ gau kalɨp hag ñabun a gɨpal u pen bɨ ram mɨnöŋ iƚ i nɨbö manö kale ke hagmɨdal manö u nöp ud hag ñɨ ajaböl!’ a ga,” a ga.

Hageia, Jisas haga, “Nɨbi me, yɨp nɨŋ ud pɨdöŋ gɨpan u me, nan hag nɨŋban u gɨnabin,” a ga. Anɨg hagö nɨŋöl gɨ, kɨjaki u magö anɨbu nöp pai nɨpe u nɨp arö göm höŋ arö, nɨp kamɨŋ la.

Anɨg hageia, nɨbi Juda wasö anɨbu apöm, Jisas mɨdeia iƚ au kugom yɨmöm haga, “Bɨ Kub, yɨp gɨ ñɨmön!” a ga. Hageia, Jisas haga, “Nan magö ñɨ pai hon ñeb u, nɨhön gɨnɨg ud kain gau mukun?” ö ga. Hageia, nɨbi anɨbu pen haga, “Bɨ Kub, nɨŋö hagpan u pen, bɨ kub gau nan ñɨŋlö, naböŋ naböŋ gau abañ mo gau lugö, kain gau halö ñɨŋnaböl,” a ga.