Popular Bible Verses from ПСАЛЬМЫ 103

Share

Дабраславі, душа мая, ГОСПАДА і не забывайся пра ўсё, што Ён зрабіў!

Ён даруе табе ўсе беззаконьні твае, вылечвае ўсякую немач тваю, вызваляе ад магілы жыцьцё тваё, літасьцю вялікай і міласэрнасьцю карануе цябе, насычае дабром старасьць тваю, аднаўляе, як у арла, маладосьць тваю.

Псальм Давіда. Дабраславі, душа мая, ГОСПАДА, і ўсё нутро маё — імя Ягонае сьвятое!

як літуецца бацька над сынамі, так ГОСПАД літуецца над тымі, што баяцца Яго.

як далёкі ад захаду ўсход, так [далёка] Ён нашыя правіны ад нас аддаліў

Спагадлівы і літасьцівы ГОСПАД, павольны да гневу і багаты на міласэрнасьць.

Не паводле грахоў нашых нам Ён дае і не ўчыняе з намі паводле беззаконьняў нашых, бо як высока неба над зямлёю, так вялікая міласэрнасьць Ягоная да тых, што баяцца Яго

ГОСПАД умацаваў пасад Свой на нябёсах, і валадарства Ягонае над усім пануе.