Popular Bible Verses from 1 ЛЕТАПІСАЎ 16

Share

Шукайце ГОСПАДА і сілу Ягоную, шукайце аблічча Ягонае заўсёды.

Выслаўляйце ГОСПАДА, бо Ён добры, бо на вякі міласэрнасьць Ягоная.

«Слаўце ГОСПАДА, клічце імя Ягонае, паведамляйце між народамі дзеі Ягоныя!

Хваліцеся імем Ягоным сьвятым! Няхай весяліцца сэрца тых, што шукаюць ГОСПАДА.

Узгадвайце цудоўныя дзеі Ягоныя, якія Ён зрабіў, цуды Ягоныя і прысуды вуснаў Ягоных.

Сьпявайце Яму, выслаўляйце Яго, размаўляйце пра ўсе цудоўныя дзеі Ягоныя.

Бо вялікі ГОСПАД і годны хвалы, годны страху больш за ўсіх багоў.

Аддайце ГОСПАДУ славу імя Ягонага. Прынясіце дары і ідзіце перад аблічча Ягонае. Пакланіцеся ГОСПАДУ ў велічы сьвятыні.

Слава і велічнасьць перад абліччам Ягоным, моц і краса — на месцы Ягоным.

Сьпявайце ГОСПАДУ, уся зямля, дабравесьціце з дня на дзень збаўленьне Ягонае.

Абвяшчайце між народамі славу Ягоную, між усімі людзьмі — цуды Ягоныя.

[кажучы]: “Не чапайце памазанцаў Маіх, і прарокам Маім не рабіце благога!”

Бо ўсе богі народаў — ідалы, а ГОСПАД нябёсы ўчыніў.

Ён памятае на вякі Запавет Свой, слова, якое загадаў на тысячу пакаленьняў

Няхай узрадуюцца нябёсы, няхай узьвесяліцца зямля, і няхай скажуць між народамі: “ГОСПАД валадарыць!”

Дабраслаўлёны ГОСПАД, Бог Ізраіля, ад веку і аж на вякі!» І сказаў увесь народ: «Амэн!», і славіў ГОСПАДА.

Аддайце ГОСПАДУ, плямёны народаў, аддайце ГОСПАДУ славу і моц.