Popular Bible Verses from San Mateo 15

Share

Jã'ata'ni pãi cu'ache cutuna repana rekoñoã cuasache'te i'kame. Jã'ajekʉna repana rekoñoã cu'ache pa'imʉ. Pãi te'ena repana rekoñoã cu'ache cuasajʉ chekʉnare vanisõme. Chekʉna repana pa'imanare ja'me kãime. Chekʉna romineejʉ chekʉna ʉmʉneejʉ cu'ache cho'ome. Chekʉna põse ñaame. Chekʉna joreme. Chekʉna cu'ache cutume chekʉnare. Pãi cu'ache cuasana rʉa si'ache cu'ache cho'ome.

Pãi ãu ãiñeji repana rekoñoã cu'ache cho'oma'me. Ija'chea'me: Repanapi cu'ache cuasani rekoñoã cu'ache cho'ome pãi —chiisi'kʉa'mʉ repaʉ.

Jã'ana Israel jojosina, “Mʉ'ʉni cuasajʉ vajʉchʉnaa'me chʉkʉna”, chiime chʉ'ʉre. Jã'ata'ni repana rekoñoã chʉ'ʉre cuasamanaa'me repana. Ũcuachi'a chʉ'ʉre cuasajʉ pojojʉ cho'ocheja'che sẽ'sevʉchi'a peoche cho'onaa'me repana. Rupʉ repana cuasajʉ chʉ̃'ʉñechi'a che'chonajejʉ chʉ'ʉni cuasamapʉ joreme jã'ana, chiimʉ —chiisi'kʉa'mʉ Jesús.

Chikona Jesús repao'te i'kasi'kʉa'mʉ. —Diore masi cuasamo mʉ'ʉ. Mʉ'ʉ chiiche cho'okaija'mʉ chʉ'ʉ —chiisi'kʉa'mʉ. Repaʉ jã'aja'ñe i'karʉmʉpi repao mamako teana vajʉasomo.

Jã'aja'ñe i'kakʉ'teta'ni Jesure ti'jñeñe ro're pʉʉ ñu'io i'kasi'koa'mo repao. —Pãi Ũcuanʉkore Paakʉ, chʉ'ʉva'ore cho'okaijʉ̃'ʉ —chiisi'koa'mo. Chikona Jesús i'kasi'kʉa'mʉ repao'te. —Pãipi chĩiva'na ãiñe'te ãure tʉa jamuchaire ãuto cu'amʉ —chiisi'kʉa'mʉ. Chikʉna repao i'kasi'koa'mo. —Ũcuarepaa'me jã'a. Jã'ata'ni jamuchai, mesako'a vʉ'evʉ'te pa'ijʉ pãi ãu ãijʉ pu'che to'jñomajñarʉãre ãime —chiisi'koa'mo repao.