Popular Bible Verses from Matiu 14

Share

Aliö rɨmɨn, Jisas yadöŋa, “Makwam, hane!” röŋa. Aliö rɨmɨn, Pita röbö alebö aku röböxön, röbö panö rola röbɨp Jisas mɨdöŋ yöra dumɨd dumɨd mibɨl yöra wön nugumɨn, hödal öñöña hömɨn, röbö göuja sö sö rɨm hömɨdöŋa. Almɨdöŋ aku nuŋ ipöxön, röbö yuadö pɨn du gɨrön, wö diba rön yadöŋa, “Nöbö Dib! Nagö nɨ yadkap pö!” röŋa. Aliö rɨmɨn, Jisas rɨmgör nugwo pɨ cɨcɨ nɨgön yadöŋa, “Nugw pɨb mag nagö aku mɨ met wa. Pödpöd rɨmɨn rɨb mös yöxlö?” röŋa.

Aliö rɨmɨn, Jisas yadöŋa, “Makwam, hane!” röŋa. Aliö rɨmɨn, Pita röbö alebö aku röböxön, röbö panö rola röbɨp Jisas mɨdöŋ yöra dumɨd dumɨd mibɨl yöra wön nugumɨn, hödal öñöña hömɨn, röbö göuja sö sö rɨm hömɨdöŋa. Almɨdöŋ aku nuŋ ipöxön, röbö yuadö pɨn du gɨrön, wö diba rön yadöŋa, “Nöbö Dib! Nagö nɨ yadkap pö!” röŋa.

Jisas piöŋö ñɨgö yadöŋa, “Ipöxmɨjeñ! Nör hömɨdlö!” röŋa.

Aliö rɨmɨn, Pita yadöŋa, “Nöbö Dib! Nagör hömɨjɨnö aku, nɨ aipam yadaŋ, röbö panö rol aku röbɨp inöm,” röŋa. Aliö rɨmɨn, Jisas yadöŋa, “Makwam, hane!” röŋa. Aliö rɨmɨn, Pita röbö alebö aku röböxön, röbö panö rola röbɨp Jisas mɨdöŋ yöra dumɨd dumɨd mibɨl yöra wön nugumɨn, hödal öñöña hömɨn, röbö göuja sö sö rɨm hömɨdöŋa. Almɨdöŋ aku nuŋ ipöxön, röbö yuadö pɨn du gɨrön, wö diba rön yadöŋa, “Nöbö Dib! Nagö nɨ yadkap pö!” röŋa.

Almɨn nugwön, nöbö nuŋ röbö alebö möl bö römɨd gɨ mɨdim bla, Jisas ib nuŋwa yadmɨn bɨl sö dumɨn nugugɨrön yadmä, “Mɨ! Naŋ God Ha nuŋ ödöriö!” me rɨmä.

Aliö rɨmɨdmɨn, Jisas ñɨgö yadöŋa, “Ehöu, ñɨŋ dueñ. Ñɨgö keir ñɨŋ ap mag cɨne,” röŋa. Aliö rɨmɨn, yadmä, “An ap mag mɨga mɨdöl. Hör bred mag akuyöbö mömɨd sö dölöm mös mɨdö,” rɨmä.

Aliö rɨmɨn, Jisas yadöŋa, “Ap piaku pɨrag hö nɨ nöi,” röŋa. Aliö rɨmɨn, nöbö mö akuyöbö ñɨgö yadmɨn, ap panö rol bla römɨdmɨn nugugɨrön, bred pɨda aku pön, dölöm hogwa aku pön, laxiö pisö nugwön, God nugwo ri abö rön, bred aku pɨ gɨlɨxön, nöbö nuŋ bla nölɨm nugugɨrön, ñɨŋ pɨ gɨrön, nöbö mö akuyöbö nuöm nɨg nölmä. Dölöm aku algör rɨmä.

Al gör nuöm nɨg nölmɨn, nɨmmɨdɨm, nɨmmɨdɨm, wöta bɨrɨm, nɨm pörɨb maga mɨdölöŋ. Rɨb rɨb röböxim blaku, Jisas nöbö nuŋ bla yogw akuyöbö möl sö piöxmɨn, aŋadö aja wölöŋa.