Popular Bible Verses from Matayu 19

Share

Rau Yesuŋo deine pore on-luke more, edane rake, “Iwamo ŋei edo okaokan, yemo ŋaŋaemami, ŋo siluŋ Kaisaleŋo yeye kine kine mane mawe ra, yemo rokouno ma-wareyake.”

Eso na ramaile, ere koso etke mi okane more, weku okangeik, Kaisaleŋo maturaŋ-otkane, ŋeiŋo maine misuk mapok-osikei.”

Yesuŋo mainge rake, “Ŋine Kaisale wane ekapko don iwa yale pamaike, eya mi dapore det okanmami me? Ramaike, ‘Mokaka qei kino ma wakon ma wakonŋo ŋei so ŋerep orodoŋka ma wakon-otke.’ Paki Kaisaleŋo rake, ‘Eya wane ŋei maneŋo naga magaine qeliŋ-otki paki, ŋanominano takot-keyake, pakimo ere koto so sola mo weku okangeik.’

Yale okanbi, Yesuŋo rake, “Ŋine qeliŋ-onbi medep nigatne eŋe naŋano sariu, so mi kitat-onbi, onoka wane ŋei ŋerep eya medep nigatne yaline, eŋe qeli gege togon eya mo biŋek qe ebonge.”

Ŋo siluŋ ŋei loutne kepo naso iwao lewine alakanmami, eŋe baŋ ŋado kitokei, ŋo ŋei loutne kepeo naso iwa ŋado kitomami, eŋe baŋ naŋane qeli kepe museleo, lewine alakangei.”

Paki, ŋei ŋerep deo edo naŋane rau paki, matene me ŋolekopene, me kiyarokopene, me magaene, me nagaene, me medewekopene, me eu menamene me kepe mateene qeliŋwarekoi, eŋe baŋ lewine moriyan manerop marat-kakei, so gege togon baŋ eboniyake.

Yesuŋo olale rake, “Ge sot midaine gekenane dereso, yemo ari yeye kine kineŋone ma gemaine, eya korop ŋei natne ebon warekene, paki wesiwa eyamo, ŋei aboŋene midaine gemami, eŋe ebon-warenom, pakiso ge qeliwo riwe moriyan pamaike, eya marat-kakene, pakiso ŋadeno mogatnane sarikene.”

Raki Yesuŋo olale rake, “Ge kine kine mainane qeson-nanmaine? Maine welaine eŋe weku gemaike, ge gege togon kotino waketkenane okaneso, yemo Kaisale wane ra rokop don eya tewekkene.”

Na koso don mane ŋidanbe, kameleŋo samap aŋaino wake waket, eyamo numa ewekine, ŋo ŋei mane aboŋine suwaineŋo qeli gege togon wane numa marat kayakane, eyamo zok umatne, so qeka qekaine okanmaike.”

Eya wane na ŋidanbe detpi, ŋei mane eŋe ŋanomine sot midaine maine geki, qeliŋ-kaki paki, ŋerep natne ebu-yakeo, eŋe zokit eya kitatmaike, paki ŋei eya eŋe sotkorop okaniyake.”

Pakiso Yesuŋo dokoine edane rake, “Na rawe detpi, ŋei mane aboŋine suwaineŋo qeli gege togon wane numa marat kayakane, qeka makaine zok okanmaike.