Popular Bible Verses from Luka 21

Share

Ŋine naso baŋem wisikae more diyam ma okorau, so Kaisaleŋo zonom ŋibongi togole okorakei wane meŋenkaikei, ŋine zonomŋine weneŋ wikile naso yuwanka more Ŋei Wawainane Gipole eŋane kaitko kine kine yewa korop wakon wareki togogole okorakei, eya wane meŋen kaikei.”

“Ŋine kine kine kaulukkei, ŋine ŋara me doku loutne ne more wet niget misuk okane gekei. Ŋine gege wane misuk dere umarekei. Ŋine wet niget yale geu naŋane nosone ikopka sariki oŋaŋine qaeyakane.

Ŋine togole malipka okorau paki, ŋine sora gerepko mane mi kesikei.”

Na weneŋ ŋinerop sanka don ŋidanbe edanikei, don eya weku mane dereretinerop, ŋabakopŋine maine mi rawetonikei.

Kepe so qeli ere mo eya nasoetne qoeki midakeik, ŋo naŋane don yemo mi midayake.”

“Kaisaleŋo kaiwe, meso, serekin eŋano, kine kine mi kakaine, ma wakoniyake. Ŋei ŋerep korop kepe baŋem kepe baŋem dereretene siukeyake. Eŋe dibom suwaine kiwetko wiriki ukatne detpi kaetoniyake. Ŋei ŋerep eŋe kine kine mi kakaine kepeo wakoniyakane tomakau, so qeliwo ukatke more qiseki kaet okane, deene lolikki kepo ket rasukei. Naso eyao Kaisaleŋo kaiwe, so meso, so serekin qeliwo pamami, eŋe ra buratkeki kesikei. Pakimo, Ŋei Wawainane Gipole kezoŋ kutno qelaŋane suwaine so qeli ewe zonominerop sariyake.

Naŋane ra more ŋei ŋerep korop ŋinane ŋabakopŋine okanikei.

Kepe loutne memeya suwaine ma paki, ŋara wane bodi wakoniyake zoma kine mane kine mane loutne wakoniyake. Kine kine mi kakaine, eya qeliwo wakongi, eya wane ŋine misuk kaet-ŋuniyake.

Ŋine kawali wane don siron desikei, ŋo ŋine misuk kaet-ŋuniyake. Kawali so kine kine yale alakane wakoniyake, ŋo qeli kepe nasoetne ikop mi qoeyake.” Eŋe koso edane rake, “Mat mane eŋe wiye ari, mat mane eŋerop kawali yaku matali okan nagukei. Ŋei ŋerep kepe maneo ŋine, eŋe ari kepe maneo eŋerop yaku matali qetali okanikei.

“Kaisaleŋo kaiwe, meso, serekin eŋano, kine kine mi kakaine, ma wakoniyake. Ŋei ŋerep korop kepe baŋem kepe baŋem dereretene siukeyake. Eŋe dibom suwaine kiwetko wiriki ukatne detpi kaetoniyake. Ŋei ŋerep eŋe kine kine mi kakaine kepeo wakoniyakane tomakau, so qeliwo ukatke more qiseki kaet okane, deene lolikki kepo ket rasukei. Naso eyao Kaisaleŋo kaiwe, so meso, so serekin qeliwo pamami, eŋe ra buratkeki kesikei.

Eŋe koso edane rake, “Mat mane eŋe wiye ari, mat mane eŋerop kawali yaku matali okan nagukei. Ŋei ŋerep kepe maneo ŋine, eŋe ari kepe maneo eŋerop yaku matali qetali okanikei.

Yesu eŋe edane rake, “Ŋine kaulukkei! ŋei loutne eŋe isi-ŋunikei wane sarikei, eŋe sari more, naŋane eŋetko more isiu paki raikei, ‘Na Mesiya’, me ‘Naso eya mo bomilemaike.’ Ŋo, ŋine eŋe misuk mogat-onikei.