Popular Bible Verses from Yohane 6

Share

Yale raumo Yesuŋo iwa yale edange, “Na gege togon wane ŋara, mane eŋe naŋano sariyake, eŋe baŋ ŋara wane mi seukeyake. Ŋo mane eŋe na malipnaniyake, eŋe baŋ doku wane mane mi seukeyake.

Kaisale wane Asuŋo ŋei gege ma wakone ebon okanmaike. Ŋei wane sola bikumŋo gege ma wakone ebo ebon yemo mi paulukmaike. Na don iwa ŋidanmaile, yemo Asurop so don gegeinerop.

Ŋine ŋara esatka bori okanmaike, yalinane urataine misuk maikei, eya wane turuŋine yemo ŋara bori worine midaine banine paki gege togon marat kaikene, eya wane urataine maikei. Ŋara iwa yemo baŋ Ŋei Wawainane Gipoleŋo ŋiboniyake, onoka wane Magak Kaisaleŋo eŋet biŋek mo gege togon wane ŋara ŋiboniyakane naŋane kutno motke.”

Maganane simile yemo iwa yale, ŋei ŋerep korop eŋe Gipole ka okanmami so malipka okanmami, eŋe gege togon marat kawarekei. Paki mo na baŋ naso qoeki ma wirik onbe wisikae wiye warekei.”

Pakimo Yesuŋo doneene turuŋine mainge more edane rake, “Ŋine ŋeiwa weku birakaki ketke eŋane don dere malipkaikei.”

Maganeŋo ŋei ŋerep nin okanmaike, korop yewa eŋe baŋ naŋano lotke warekei, mane eŋe naŋano lotkeyake na baŋ mi mainkawe ariyake.

Saimon Petoroŋo olale rake, “Waom ŋene ge qeliŋgane koso maŋano arikene? Ge don kito ŋedan okanmaine, yewaŋoka weku gege togon ŋeboniyake.

Na ŋara gegeinerop qeliwo ŋine ketkole, eya wane ŋei mane eŋe ŋara yewa neyake, eŋe naso baŋem ge ariyake, ŋara yewa na baŋ eŋe manikale, yemo nae bikumne. Yewa kepe baŋem ŋei ŋerep eŋe gege togon ma wakone ebongi ge arikei.”

Ŋei mane eŋe oŋomka simileinane naŋano maine mi sari lotkeyake. Midakaka! Magakŋo talenangi ketkole oŋo tebakaki yemo naŋano lotkeyake, paki mo na baŋ naso qoeyake, naso yewao deŋesereo ŋine ma wirik kawe wisikae wiyeyake.

Kaisaleŋo sogino kepe yaup papaino yemo kepe wane ŋara ŋibonge, koso naso iwao yemo ŋei mane mo birakaki ketke, eŋe ŋei ŋerep kepe baŋem gege togon wane ŋara wele ma wakone ŋiboniyakane.”

Na gege togon wane ŋara.

Yesu eŋe kasap maki paki, Kaisale meŋenka more mosopkaki paki ma louleke, eso damo qe, ŋei ŋerep mere arikoi, yewa ebonge. Eŋe rokop weku yewaka zawon etke yewa wane okange, pakiso eŋe koropŋo nekeiwane onge, eya wane rokop nekoi. Eŋe nemageu korop ŋatene qeke pakimo, Yesuŋo dokoine edane rake, “Ŋara natne qeligeu metmaike, yewa meikeu wakep, neneene tutule natne mane misuk mataliŋem payake.”

Yesu dokoine eŋe puli kito ariu 6 kilomita eya wane rokop okangi eŋe kau, Yesu eŋe doku kutno gesokma gesokma sarike. Sari seki osino lotkeki dokoine eŋe oŋaene qaeke. Yale okanbi Yesuŋo edange, “Ŋine mi kaet okanbi. Iwamo noŋom sarimaile!”