Popular Bible Verses from Makekeng 20

Share

“Neng KEBU geac Anutu. Ni Aigitabangecfunac wangecguyai. Aigita yeneng wanac meguma ua ebirau faigugec ama imohacnac wangecguyai. Ge ni hoannukecma nemuonga nga anutu hania hania mi hoangyunukecbesena.

Wi kurumennu wiac fekende me imocac bageau bangecfu me dokuu me emu bangec manau wiac fekende imocac nemuonga mong me onga mong geanggaoc mema mi hoanggekecbesena. Ge imoc yeni mi ngonducneyemmebesena amma yeneac enac mi tofohobesena. Nocac ni KEBU geac Anutu, ni ngicngacfocna heresongogoc hoangyunukecduaeac yeneac keracmangang kpetiac amba herenau gerec dzede. Mong ye ni ubango ukunuudeu manggac yeneac kopocsic imocac turunga naroangmedac esangabofocngina fingecenggecdesoc arenga harebec nga neackpac kpouyemmebade.

Anutungo bangec gemma faiguude, imohai naso herea kechereenadeac nonggomanghocga seseheyurubesena.

Ge tacnegenggac wenac segerema kpetiac mekecna kpetiac anudeac negenna febeso.

Ge KEBU Anutuga yeac kpac eng sicsauc mi kpacbesena. Imoc yofiac ngicngac yeni yeac kpac eng sicsauc kpacandae ye kopocsicnginaac turunga mi waude.

Imoc yofiac, ge wenac uameme siks ua mema uaga sasawa medacbesena. Nga wenac kpete sewen imoc KEBU Anutuga yeac tacnegennaso. Ge nga naroangmedacfocga nga enactofoc tofohofocga ngic me ngac yeni nga burumakafocga amma ngic kuricngo amagau kecdae ngeni naso imohai ua mong mi mebisia.

Ge yeac ama hemma imoc hensongo mi ambesena. Ge ngic yeac enema hemma ye hensongo mi ammibesena, me yeac enactofoc tofohongiha me enactofoc tofohongaha hensongo mi ammibesena. Amma ge burumakangiwa me donggi me wiara hania hania yenemma imoc hensongo mong mi ambesena.”

Ge ngic me ngac gegoc wegenac kecde ye enacfu faifai mi ammibesena.

Ge eweenengfaka femanu ferahama serofaka mi ambesena.

Ge ngicngac mi yunuhomebesena.

Ge wiac hamangec mi mebesena.