Popular Bible Verses from Dosị́ éyị́~e 3

Share

Sɨmɨ bɨ kára née uwú kɨ́dí mɨáná kágá née nɨ bɨlámáne kɨ́ bɨlámá tosoné gɨ ro ánu a, nɨ kpá bɨlámáne gɨ ro íꞌbí komokenzị zɨ́ ꞌyị ní, zɨ́a ꞌdíꞌbi a ánu a. Zɨ́a íꞌbí ngíti a zɨ́ oꞌdo ꞌbɨ ené bɨ nɨyí kéne ní zɨ́a ánú a.

Kámá nɨ kóo mongụ́ ꞌyị lóndó gɨ dongará bangá sinyí ga bɨ Ngére Lomo otoogụ yée ní mbá. Kadra kị́éꞌdo zɨ́a ógụné ndúꞌyú kára kɨ́dí, “Maꞌdíi, Lomo ya ‘Ndásé ánu mɨáná kágá ga bɨ yáká ba mbá wá káa’?”

Mááyí óto báfí dongaráse kɨ́ kára née, kpá dongará owụ́ ꞌbɨ eyị́ e kɨ́ owụ́ ꞌbɨ ené e, nɨ ꞌdítí kánya doyị́, zɨ́yị náná ꞌbɨ eyị́ ṛítí a.”

Zɨ́ Ngére Lomo úku ledre zɨ́ kára kɨ́dí, “Mááyí íꞌbí ꞌdoꞌdó royị́ sɨmɨ sịndị́ kadra ꞌbɨ árá owụ́, áyí ndị́sị árá owụ́ e tɨ́ fú kɨ́ éyị́ mɨówo ꞌbú oꞌdo ꞌbɨ eyị́ nɨ ndị́sị ídí doyị́ kpá fú kɨ́ngaya Áyí ídí fú lá sị́ sị́lị́ oꞌdo ꞌbɨ eyị́.”

Áyí ndị́sị méngị moko kɨ́ bɨsuwu té kí éyị́ mɨánu nɨ fú ídí zɨ́yị. Ledre máa née nɨ ndị́sị méngị roné kenée gị sɨmɨ sịndị́ kadra bɨ áyí ndáꞌbalúgu royị́ sɨmɨ a sɨmɨ káṇgá kɨ́ꞌdí bɨ kóo máꞌdíꞌbiógụ yị́ị ní. Gɨ zɨ́a bɨ ógụ gɨ sɨmɨ káṇgá ní, sịndị́ kadra nɨ ógụ zɨ́yị ndáꞌbalúgu royị́ ídíyị té káa do káṇgá.”

Gɨ ore, zɨ́ Lomo ị́nyịné úku ledre zɨ́ oꞌdo kɨ́dí, “Gɨ zɨ́a bɨ úwú yị́ eyị́ ledre gɨ tara meꞌbeyị́, zɨ́yị ánu mɨáná kágá bɨ kóo máyá, ‘Ndá ánu a wá ní,’ “Máóto taramá go ro káṇgá gɨ zɨ́ ledre eyị́, tɨ́ bɨ áyí ndị́sị ní, áyí méngị moko zɨ́yị ꞌdóꞌdóyị mɨꞌdóꞌdó kí áyí fú ndíki éyị́ mɨánu ánu a.

Ngére Lomo ya zɨ́a ní, “Ambí uku zɨ́yị ne ya áyí ngíṛá? Ánu mɨáná kágá bɨ máyá ndá ánu a wá ní ánu go?”

Zɨ́ Lomo ꞌdíꞌbi maláyika e kɨ́ fúndúye zɨ́a íꞌbí rokoꞌbụ zɨ́ye do óto yée sɨmɨ yáká bɨ Édene ní mɨꞌdí gbére ndị́sị lúrú bi kacɨ́ a. Zɨ́ éyị́ ndị́sị gámáꞌdíkí yáká née gbaá káa zɨ́ mongụ́ maku ndịsị ꞌbɨ́léꞌbe ne ní káa bɨ ꞌyị nɨ ólụ́ íri ꞌdécị mɨáná kágá ꞌbɨ trịdrị née ánu a ke.

Nda née ní, zɨ́ Ádama ị́fị́ ịrị meꞌbené Áwa, gɨ zɨ́a nɨ ndíkiógụ ꞌyị e mbá ne.