Popular Bible Verses from 1 Korị́ndo 2

Share

Ledre née utúasá go ꞌduo kpịnị kɨ́ ledre bɨ kóo nébị Isáya uku ní kɨ́dí, “ꞌYị e utúasánɨ́ lúrú a, ꞌyị e utúasánɨ́ kpá úwú a wá, abú ukuꞌdodonɨ́ zɨ́ye utúasá kpá ólụ́ sɨmɨ doyé wá. Née Ledre bɨ Lomo yemeomo gɨ ro méngị a zɨ́ ꞌyị ga bɨ otonɨ́ ꞌbúa go ní.”

ꞌYị máa wo bɨ ngárá ꞌDówụ́ Lomo ndaá sɨmɨ a wá ní, utúasá ené ówoyéme ledre ga bɨ ꞌDówụ́ Lomo ndịsị ꞌdódo yée zɨ́ze ní wá. Ledre ga gére née nɨyí ídí eyé zɨ́a káa zɨ́ ledre cayi ní gɨ zɨ́a utúasá ené ówoyéme yée lá kɨ́ roné wá. ꞌBúó togụ́ ꞌDówụ́ Lomo ꞌdódo yée ne zɨ́a nɨ fú ówoyéme yée gɨ zɨ́a ledre ga gére née ogụnɨ́ yị́ eyé gɨ zɨ́ Lomo.

Zée ꞌyị ga bɨ ꞌbɨ Ngére Yésụ ní, Lomo ꞌdodo yeme kóo ledre máa née go zɨ́ze sɨmɨ rokoꞌbụ ꞌbɨ ꞌDówụ́ne. Gɨ zɨ́a ꞌDówụ́ Lomo maꞌdáa owoyeme sómụ́ ledre ꞌbɨ Lomo bú bɨlámáne.

Owoyemezé ledre bɨ Lomo mengị zɨ́ze ní go bɨlámáne. Bɨ owoyemezé ní, ndaá bɨ ya kɨ́dí ꞌyị ga bɨ do sogo káṇgá ba ꞌdodonɨ́ ye zɨ́ze ní wá. Lomo kasa ꞌDówụ́ne ne zɨ́a ógụ ndị́sịné sɨmɨzé ndị́sị ꞌdódoyéme ledre ga bɨ yeme yée go gɨ rozé ní zɨ́ze.

Ṇgúṇgusé kóo ledre ga bɨ máꞌdódo yée zɨ́se gɨ ro Ngére Yésụ née ndaá gɨ zɨ́a bɨ ya máówo kacɨ́ ꞌdódo a go ní wá, yị́ ené gɨ zɨ́a ꞌDówụ́ Lomo ndịsị kóo ꞌdódoyéme ledre máa ga gére née zɨ́se za cụ́ ne kɨ́ mongụ́ rokoꞌbụné kɨ́dí, née mbigí ledre bɨ gɨ zɨ́ Lomo ní. Gɨ zɨ́ kéyị née, ndásé óto mɨmbéꞌdesé ro mɨsómụ́ ledre ꞌbɨ ꞌyịmaꞌdí e wá. Ídísé óto mɨmbéꞌdesé dụụ́ ro ledre bɨ ꞌbɨ Lomo ní gɨ zɨ́a bɨ Lomo nɨ kɨ́ rokoꞌbụ ledre e za mbá zɨ́ne ní.