Popular Bible Verses from Evangelium e Jovanostar 21

Share

A kana xale, phenđa o Isus e Simone Petrese: Simone e Jonesko, čumidema li pobut akalendar? Phenđa lese: Va, Devljutneja, tu đane kaj kamav tu. Phenđa lese: Ćarjar mle bakroren. Phenđa lese palem po dujto drom: Simone e Jonesko, čumidema li? Phenđa lese: Va, Devljutneja, tu đane kaj tut kamav. Phenđa lese: Arak e bakren mlen. Phenđa lese po trito drom: Simone e Jonesko, kamejama li? O Petar dukhavdilo so phenđa olese po trito drom: kamejama li? Thaj phenđa lese: Devljutneja, tu sa đane, tu đane kaj tut kamav. Phenđa lese o Isus: Ćarjar e bakren mlen.

Čače, čače tuke phenav: Kana sijan poterno, kustisardan tut korkoro thaj phirdan kuri mangljan; a kana phuranđove, ka phrave e vasta tire thaj e avera ka kustisarden tut thaj ka inđaren kuri ni mange.

A ov lenge phenđa: Čhuden e safin pe daxni rig e barkaki, thaj ka arakhen. Teg čhudle, thaj eke naštisarde te ikalen la kotar e but maćhe.

Phenđa lenge o Simon Petar: Đav te astarav mačhen. Phenđe lese: Ka ava vi amen tuja. Iklile thaj dije sigo ane barka, thaj odoja rat ni astarde khanči.