Popular Bible Verses from Nedenuk kara Tutuin 13

Share

Faik esa, ara puasa ma rakabua fo rakaluku-rakatele neu Manetualain. Boe ma Manetualain Dula-dale Malalaon nafada sara nae, “Here mala Barnabas no Saulus. Te Au ue-osang noꞌuk ka. De ara muste tao ue-osa fo Au ae baꞌe fee sara.” Neu ara puasa ma hule-haradoi basa, boe ma ara ndae liman nara reu Barnabas no Saulus fo tabis asa. Basa boe ma ara radenu dua sara reu rakalalaꞌok Lamatuak ue-osan.

Dadi toranoo nggara ein, nenene matalolole! Hatahori naa, ndia Yesus! De mete ma ita tamahere neun, dei fo Ana nau lemba-nasaa sala-singgok kara, fo mete ma tungga ndoon, na, ita mesa ngga ndia muste lemba-tasaa. No dalak naa, Manetualain koka heni ita sala-singgon nara. Tehuu ita bubuluk ena tae, leo mae ita tao tungga basa baꞌi Musa hada hohoro-lalanen lalaꞌen oo, naa mesa kana bei ta bisa tao ita ndaa nai Manetualain matan.

Huu Manetualain nadenu ai, sama leo Yesaya surak ena nae, ‘Au soꞌuk ala ei ena, fo dadi sama leo lantera fo neni manggaledok fee hatahori nusa-nusak laen nara, fo hatahori ta Yahudir, naa fo ei tao manggaledo dalak fo mana neni Au mai naa, ma naa fo Au akamboꞌik kasa numa sira sala-singgon nara mai. Ei oo muste matudu dalak naa nai dae-bafok ia numa suꞌun seri mai neni suꞌun seri neu boe.’ ”