Popular Bible Verses from Nedenuk kara Tutuin 11

Share

Neu ana natonggo noon, ana kokoe Saulus, fo ara sama-sama fali reni Antiokia reu. De dua sara leo ruma Antiokia sama-sama ro Lamatuak hatahorin nara, losa teuk esa. Tungga faik, dua sara fee nenorik laꞌe-neu Lamatuak Yesus Eno-dalan Masodan neu hatahori noꞌuk kara. (Numa kota Antiokia naa, dei de hatahori mulai roke Lamatuak Yesus hatahorin nara rae, ‘hatahori Karisten’.)

Faik naa, Lamatuak Yesus hatahorin nara maruma Yerusalem ramanene rae, hatahori laen nara rai Antiokia oo ramahere neu Yesus ena boe. Basa boe ma ara radenu hatahori esa, nade Barnabas, fo neu tiro sara rai naa. Barnabas ia, hatahori dalen malole, ma namahere tebe-tebe neu Manetualain. Manetualain Dula-dalen oo nakalalaꞌok kana boe. Neu ana losa naa, ana mete-nita nae, memak tebe Manetualain naue-osa nai hatahori laen leleo-lalaꞌon nara taladan ena. Boe ma dalen namahoko. De ana fufuꞌa dalen nara, mita fo ara tungga rakandoo Lamatuak Eno-dala Masodan no tebe-tebe. No dalak naa, Lamatuak hatahorin nara tamba faik, tamba ramanoꞌu.

Manetualain mesa kana ndia fee Ndia Dula-dalen neu hatahori laen nara raa, tetar leo Ana fee neu ita boe. Dadi ei hihiim nau au laban Manetualain, do talo bee? De au ae kokolak hata bali?” Ara ramanene Petrus nasalaꞌe aon talo naa, boe ma ara ta fee salak neun ena bali. De basa sara koa-kio Manetualain rae, “Awii! Sudi selik kana! Manetualain soi dalak ena fo hatahori laen nara oo bisa laꞌo ela sira leleo-lalaꞌo kasalan nara boe, fo Manetualain koka heni sala-singgon nara, de ara oo hambu masodak rakandoo ro Ndia boe.”