Popular Bible Verses from Romíoṉ 14

Share

kyúṉki Ḳhudá kí bádsháhat kháne píne par nahíṉ, balki rástbází aur mel miláp aur us ḳhushí par mauqúf hai, jo Rúhuʼl Quds kí taraf se hotí hai. Aur jo koí is taur se Masíh kí ḳhidmat kartá hai, wuh Ḳhudá ká pasandída aur ádmíoṉ ká maqbúl hai.

Agar ham jíte haiṉ, to Ḳhudáwand ke wáste jíte haiṉ: aur agar marte haiṉ, to Ḳhudáwand ke wáste marte haiṉ. Pas ham jíeṉ, yá mareṉ, Ḳhudáwand hí ke haiṉ.

Pas ham un bátoṉ ke tálib raheṉ, jin se mel miláp aur báhamí taraqqí ho.

Pas áyanda ko ham ek dúsre par ilzám na lagáeṉ: balki tum yihí ṭhán lo, ki koí apne bháí ke sámne wuh chíz na rakkhe, jo us ke ṭhokar kháne yá girne ká báʻis ho.

Chunáṉchi yih likhá hai, ki Ḳhudáwand kahtá hai; Apní hayát kí qasam, har ek ghuṭná mere áge ṭikegá, Aur har ek zabán Ḳhudá ká iqrár karegí. Pas har ek ham meṉ se Ḳhudá ko apná apná hisáb degá.

Kamzor ímánwále ko apne meṉ shámil to kar lo, magar shakk o shubba kí takrároṉ ke liye nahíṉ.

Tú kaun hai jo dúsre ke naukar par ilzám lagátá hai? Us ká qáim rahná yá gir paṛná us ke málik hí se mutaʻalliq hai. Balki wuh qáim hí kar diyá jáegá; kyúṉki Ḳhudáwand us ke qáim karne par qádir hai.