Popular Bible Verses from Marqus 5

Share

Us ne us se kahá; Beṭí, tere ímán ne tujhe achchhá kiyá hai; salámat já, aur apní is bímárí se bachí rah.

Phir ek ʻaurat, jis ke bárah baras se ḳhún járí thá, aur us ne bahut hakímoṉ se baṛí taklíf uṭháí thí, aur apná sab mál ḳharch karke bhí use kuchh fáida na húá thá, balki ziyáda bímár ho gayí thí

Aur fiʼlfaur us ká ḳhún bahná band ho gayá; aur us ne apne badan meṉ maʻlúm kiyá, ki maiṉ ne is bímárí se shifá páí.

aur laṛkí ká háth pakaṛkar us se kahá, Talítá qúmí; jis ká tarjuma yih hai, ki Ai laṛkí, maiṉ tujh se kahtá húṉ; Uṭh.

Wuh yih kah hí rahá thá, ki ʻibádatḳháne ke sardár ke háṉ se logoṉ ne ákar kahá, ki Terí beṭí mar gayí; ab ustád ko kyúṉ taklíf detá hai? Jo bát wuh kah rahe the, us par Yisúʻ ne tawajjuh na karke, ʻibádatḳháne ke sardár se kahá; Ḳhauf na kar; faqat iʻtiqád rakh.

Kyúṉki wuh us se kahtá thá, ki Ai nápák rúh, is ádmí meṉ se nikal á. Phir us ne us se púchhá; Terá nám kyá hai? Us ne us se kahá; Merá nám Lashkar hai, is liye ki ham bahut haiṉ.