Popular Bible Verses from Yúhanná 17

Share

Unheṉ sachcháí ke wasíle se muqaddas kar: terá kalám sachcháí hai.

Aur hamesha kí zindagí yih hai, ki wuh tujh Ḳhudá e wáhid aur barhaqq ko, aur Yisúʻ Masíh ko, jise tú ne bhejá hai, jáneṉ.

Maiṉ sirf in hí ke liye darḳhwást nahíṉ kartá, balki un ke liye bhí, jo in ke kalám ke wasíle se mujh par ímán láeṉge, táki wuh sab ek hoṉ, yaʻní jis tarah, ai Báp, tú mujh meṉ hai, aur maiṉ tujh meṉ húṉ, wuh bhí ham meṉ hoṉ; aur dunyá ímán láe, ki tú hí ne mujhe bhejá.

Maiṉ yih darḳhwást nahíṉ kartá, ki tú unheṉ dunyá se uṭhá le, balki yih ki us Sharír se un kí hifázat kar.

Aur wuh jalál jo tú ne mujhe diyá hai, maiṉ ne unheṉ diyá hai, táki wuh ek hoṉ, jaise ham ek haiṉ; maiṉ un meṉ, aur tú mujh meṉ, táki wuh kámil hokar ek ho jáeṉ, aur dunyá jáne ki tú hí ne mujhe bhejá, aur jis tarah ki tú ne mujh se mahabbat rakkhí, un se bhí mahabbat rakkhí.