Popular Bible Verses from Paidáish 25

Share

ḲHUDáWAND ne us se kahá, Do qaumeṉ tere peṭ meṉ haiṉ, Aur do qabíle tere batn se nikalte hí alag alag ho jáeṉge, Aur ek qabíla dúsre qabíle se zoráwar hogá; Aur baṛá chhoṭe kí ḳhidmat karegá.

Aur ‘Esau ne Ya‘qúb se kahá, ki Yih jo lál lál hai mujhe khilá de, kyúṉki maiṉ bedam ho rahá húṉ. Isí liye us ká nám Adom bhí ho gayá.

Aur Izháq ne apní bíwí ke liye ḲHUDáWAND se du‘á kí, kyúṉki wuh báṉjh thí: aur ḲHUDáWAND ne us kí du‘á qubúl kí; aur us kí bíwí Ribqah hámila húí.

‘Esau ne kahá, Dekh, maiṉ to mará játá húṉ: pahlauṭhe ká haqq mere kis kám áegá? Tab Ya‘qúb ne kahá, ki Áj hí mujh se qasam khá: us ne us se qasam kháí: aur us ne apná pahlauṭhe ká haqq Ya‘qúb ke háth bech diyá.

Us ke ba‘d us ká bháí paidá húá, aur us ká háth ‘Esau kí eṛí ko pakṛe húe thá; aur us ká nám Ya‘qúb rakkhá gayá: jab wuh Ribqah se paidá húe, to Izháq sáṭh baras ká thá.

Aur Izháq ‘Esau ko piyár kartá thá, kyúṉki wuh us ke shikár ká gosht khátá thá: aur Ribqah Ya‘qúb ko piyár kartí thí.