Popular Bible Verses from Wá‘iz 8

Share

Tab maiṉ ne ḳhurramí kí ta‘ríf kí; kyúṉki dunyá meṉ insán ke liye koí chíz is se bihtar nahíṉ, ki kháe aur piye, aur ḳhush rahe; kyúṉki yih us kí mihnat kí daurán meṉ us kí zindagí ke tamám, aiyám meṉ jo Ḳhudá ne dunyá meṉ use baḳhshí, us ke sáth rahegí.

Agarchi gunahgár sau bár buráí kare, aur us kí ‘umrdarází ho, taubhí maiṉ yaqínan jántá húṉ, ki un hí ká bhalá hogá, jo ḳhudátars haiṉ, aur us ke huzúr káṉpte haiṉ

Is liye ki har amr ká mauqa‘ aur qá‘ida hai, lekin insán kí musíbat us par bhárí hai

Kisí ádmí ko rúh par iḳhtiyár nahíṉ, ki use rok sake; aur marne ká din bhí us ke iḳhtiyár se báhar hai; aur us laṛáí se chhuṭṭí nahíṉ miltí, aur na sharárat us ko jo us meṉ g̣arq hai chhuṛáegí.

Chúṉki bure kám par sazá ká hukm fauran nahíṉ diyá játá, is liye baní Ádam ká dil un meṉ badí par bashiddat máil hai.

Ek batálat hai, jo zamín par wuqú‘ meṉ átí hai; ki nekokár log haiṉ, jin ko wuh kuchh pesh átá hai jo chahiye thá ki badkirdároṉ ko pesh átá; aur sharír log haiṉ, jin ko wuh kuchh miltá hai jo cháhiye thá ki nekokároṉ ko miltá: maiṉ ne kahá, ki Yih bhí butlán hai.

kyúṉki jo kuchh hogá, us ko ma‘lúm nahíṉ; aur kaun use batá saktá hai ki kyúṉkar hogá?