Popular Bible Verses from Wá‘iz 12

Share

Ab sab kuchh sunáyá gayá; hásil kalám yih hai: Ḳhudá se ḍar, aur us ke hukmoṉ ko mán; ki insán ká farz i kullí yihí hai.

Kyúṉki Ḳhudá har ek fi‘l ko har ek poshída chíz ke sáth, ḳhwáh bhalí ho ḳhwáh burí, ‘adálat meṉ láegá.

Aur apní jawání ke dinoṉ meṉ apne Ḳháliq ko yád kar, jab ki bure din hanoz nahíṉ áe, aur wuh baras nazdík nahíṉ húe jin meṉ tú kahegá, ki In se mujhe kuchh ḳhushí nahíṉ; jab ki hanoz súraj, aur raushní, aur chánd, aur sitáre tárík nahíṉ húe, aur bádal bárish ke ba‘d phir jama‘ nahíṉ húe

peshtar is se, ki chándí kí doṛí kholí jáe, aur sone kí kaṭorí toṛí jáe, aur ghaṛá chashme par phoṛá jáe, aur hauz ká charḳh ṭúṭ jáe; aur ḳhák ḳhák se já mile, jis tarah áge milí húí thí, aur rúh Ḳhudá ke pás, jis ne use diyá thá, wápas jáe.

Bátil hí bátil, Wá‘iz kahtá hai, sab kuchh bátil hai.