Popular Bible Verses from Башланув 11

Share

РАББИ деди ки: – Иште, бир халкъ ве эр кесте бир тиль. Мына не япып башлайлар олар! Эм де ниетлеринден къайтмазлар. Келинъ, тюшейик де, бири башкъасынынъ тилини анъламасын деп, анда оларнынъ тилини къарыштырайыкъ.

Сонъ олар бойле дедилер: – Келинъ, озюмизге шеэр ве башы кокке тийген къулле къурайыкъ; бутюн ер юзюнде дагъылмайыкъ деп, озюмизге нам къазанайыкъ.

Бу шеэрге Вавилон деген ад берильди. Анда РАББИ бутюн ер юзюндеки тильни къарыштырды, андан халкъны къувып, бутюн ер юзюнде дагъытты.

О заманда бутюн ер юзюнде бир тиль эди, сёзлер де бир эдилер.

РАББИ, адам огъуллары къургъан шеэрге ве къуллеге бакъмакъ ичюн энди.

РАББИ оларны андан къувып, бутюн ер юзюнде дагъытты, ве олар шеэр къурмакъны токътаттылар.