Popular Bible Verses from Maak 12

Share

Yéesu li aanool: — Eluwaayi yátinaalayi yo yommuu inye: «Isilayeel, ujanten! Amaaŋenawu Ateemit oololaal, akila bale ammuu Amaaŋen. Ban loote ufañ Amaaŋenawu Ateemit ooli li buyinumi feh, li yaali feh, li kayinooli feh, li sembeyi feh.» Eluwaayi él̥ubutayi yo yommuu inye: «Loote ufañ afaali an, loon awu humumi ufañoolomuu.» Bajut eluwa yakee yahaŋe siluwaasu unsu síl̥uba.

Muñeˈe Yéesu li áhooñul kúgoomaku koola kúliiŋul, li aaniil: — Li mal̥egenamu fan ilobuul, anaalaawu ummu ahokumuu áyinool ban li akaan an agaye, lasensen haŋ bukanabuku feh kasenumuu. Mata kaabuku feh kusensen sídalamasu sawuuhumuu li buko. Bale akila, maayeet min agayimuu ŋáa’, li asen wahawu feh wan ahine abajumuu boot li buloŋool.

Muñeˈe Yéesu li abah ajooŋoo tan bukanabuku kukaanemuu ehaaliisayi, min ajuke buu búsukabu bukaane lómuu sídalamasu eeno. Bukan kameeŋe kabaje li kukaan dó sídalam sáamak. Muñeˈe li baj foof anaale agaye ahoke áyinool abile áliiŋul, li akaan dó muhanjal múl̥uba mata fálam máliiŋut édalam.

Ban hufañool li buyinumi feh, li kayinooli feh, li sembeyi feh, li hufañ afaali an loon awu humumi ufañoolomuu,» wahawu unwu feh uhaŋe ŋáa’ sínuukuleŋasu sasilayeyimuu, li ujuuñakawu wásuleyimuu boot li Ateemit.

Yéesu li aaniil: — Seeh, kama jilaañen Sesaal wahawu wata Sesaal. Ateemit li jilaañenool wata Ateemit. Hulimahu han alobiilumuu li hújiyiil li kusego ŋáa’.