Popular Bible Verses from Máciya 27

Share

Nan ewaatuwayi éhaajutayi elehenumuu, Yéesu li akaaw butiya aan: «Elí, Elí, lema sabachthani?» Yo yommuu: «Ateemitom, Ateemitom, wáa újiye li ubetenom?»

Muñeˈe no unnu, hufalalahu halakomuu li Eluufayi yata Ateemit li húhaacowumul haatiya boot li etaam hukaan ubey úl̥uba. Etaamayi li egoloo. Kugisaaku li kúwembulo. Kuyaakaku li kúbabulo min kameeŋe li bukanabuku káyinenumuu li Ateemit ban li kuket, kuyitowul.

Yéesu li alaañen akaaw butiya ban, li awalo.

Anahaanawu ata kusollaali téemeel li kusollaaliyaku kalako tomuu li akila kafooyaku kata Yéesu, li kujuk etaamayi li egoloo li wahawu feh wabajumuu, li kúkoli ŋáa’ min koon: — Li mal̥egenamu, ánayinaawu ummu lalakolako Añiil ata Ateemit!

Nan banakabu buyitenumuu, etaamayi feh li élim boot yok ewaatuwayi éhaajutayi banakabu bakel̥e.

Filat li agel̥l̥eniil aaniil: — Kama muñowu buu leete ikaan Yéesu an koonemuu Afakenaawu? Buko feh li koonool: — Abaaŋi li ekuluwa! Filat li agel̥l̥eniil aaniil: — Kama waa lakaane wajakut? Li kuhaŋ mabaŋulo feh koon: — Abaaŋi li ekuluwa!