Popular Bible Verses from MATHI 7

Share

Khuo luo, khuo thuoüji vi nohri tsü naveh, phah luo, phah thuoüji nohri ngura naveh; kütü thuoüji sa nohri tsü naveh.

Küpakenühnyunü küsüküsü nga khuo thuoüji tsütsüti, thi küphari nga ngurarati, thi thari nüh kütü veh nüh mükhie sataji mari tsütsüti.

“Jükenüh anyi küsüküsü nga hi nüh küüza zhüri thsü nü jümari sa thi kümüzheri thuoüji kümütsari alokrü rügi vünüh azheh küsa kümüjie wiethuoh.

Jükenüh nyuri nüh nohri vü mokümjie sakütsü loveh nüh jükümjie nohri nga nyuri vü satsüluo, küpakenühnyunü hamatü wulewa wiethuoh thi setsaküthsüri zhütsowa wiethuoh.

Küpakenühnyunü kürho vü küwawa shieku thuoüji münyiemü thi lekhuji jüla küwa khomü thi jüma küngura anyi zülamü.

Nohri shieku kümünyiewa vünüh müzhe tu luo, küpakenühnyunü kükria vü küwa shieku thuoüji müza thi lekhuji nga rüzihmü, thi nyiri hozake wienga jüma müzhetututi küsa kenüh.

Jükenüh nohri anyi kümüsüri wie nga zanyo kümühie vi nohri tsa kütsü aro thsüveh üji, nohri Pa rügivü küpehwa thuoüji thari nüh ma vü zanyo kümühie khuo naveh nüh jüma nyia vünüh küjake taji mari vü mütsünüh sanaveh lo?

Nohri nyuri müküjo tümü, jütathuoüji nyuri nga nohri küüjowa nyu. Küpakenühnyunü nohri nüh mowa nüh vi nyuri küjo naveh nüh nyuri nga jüma nüh vi nohri küjowie naveh, thi nohri nüh mowa vünüh küto nü nyuri tsü naveh nüh nyuri nga jüla nüh küto le nü nohri tsü naveh.

“Thi anyi küsüküsü nga hi nüh küüza zhüri thsünü müküsari thuoüji zanyomüküthsüri thi küzheri nüh shünyi rügi vünüh azheh küsa kümüjie wiethuoh.

Thi nohri tü mokenüh noh mpa noh notha lovü kümüneh kütüwa mümüshekhu nüh noh nü notha lovü kümüneh kütüwa nono ti lo? Nyutü noh tü noh mpa noh notha lovü kümüneh kütüwa mümüshe nüh noh nü vü, “Eh nü, no notha lovü kümüneh tüküvehwa hi küükhezhumü luo,” ti küzamühie veh lo?

Küzhühja setsaküthsüri vünüh nohri azhüzhüluo, jümari tü nyihzhü thsümünyi vü taji nohri vü tseveh, thitü mari luoveh lovü thuoüji nyuri rekütsa rezanyihnyih riekhuo wiethuoh. Mari avi vünüh nohri mari thsüra naveh. Nyi küsü nga rüzhü rhu vünüh rhelivi lara müveh, nyutü kawurüzhü rhu vünüh jichuo lara naveh lo?

Jükümjie athso kümühie aveh thuoüji avi kümühie peraveh, thitü athso kümüsü aveh thuoüji avi kümüsü pepeti.

Athso kümühieri thuoüji avi kümüsü piketü küpewanyu, thi athso kümüsüri tü piketü avi kümühie müpera.

Athso mavi kümühie müküperari aveh thuoüji jethuoh nü anyih lovü thsemümüti.