Popular Bible Verses from MATHI 5

Share

Jümpa mükünyu anyiri nüh anyihku tso taji nü azekhu lovü samüveh, thitü vi alati rügi vü saveh, jüta thuoüji azhelovü küperi aveh wieke raveh. Nohri küwiewa nyiri vü wieketüluo, jüta thuoüji nyuri nüh no küürori kümühie ngu naveh, thi nohri Pa rügivü küpewa saküthola tsüra naveh.

Nohri tü azhih küwiewa wiethuoh. Küzhiho rügi vü anyuküji sakütoke küsa tü piketü müküthira.

Luoveh kümtseri thuoüji kümüngatsahri, küpakenühnyunü mari tü Saküüwuowa nguwie naküveh kenüh.

Künyitsa kürho küpha kenüh rüma kürie kütseri kümüngatsahri, küpakenühnyunü jümari tü müwawiena küveh kenüh.

Thitü hi nüh nohri vü küza naveh, noh mükünongüri kümüze luo, thi noh sakümnomna küvehri kenüh kükhuo saluo.

Sietse kenüh küthotsari thuoüji kümünga tsahri, küpakenühnyunü rügi kajipe thuoüji jümara zhi küsa kenüh.

“Nyiri sakütsarü kütseri kümüngatsahri, küpakenühnyunü mari tü Saküüwuowa tsari ta jinaküveh kenüh.

Thari nüh lorü tse nüh, kümüngatsahri, küpakenühnyunü jümari tü luoveh rüzi wienaküveh kenüh.

“Künyitsa kürho kenüh nyuri nüh kümnomna tsüküvehri kümüngatsahri, küpakenühnyunü rügi kajipe thuoüji ma zhiri küsa kenüh.

Küümüze küperi thuoüji kümüngatsari, küpakenühnyunü mari tü küümze nguwiena küveh kenüh.

“Eh kenüh nyiri nüh nohri vü azhükümüsü phra thi nohri vü kümnomna tsü thi rie taji nohri vü kümüsü müküzüküzü sa thuoüji, nohri kümüngatsahri wiethuoh. Nohri lozheluo thi alo wie she luo, küpakenühnyunü rügi vü nohri jisuowa ji she na küveh kenüh.” Thi jükümjie nyiri nüh khana nohri atüvü küru setsaküthsüriwie nga kümnomna kütsü kenüh.

Azhükünyiri thuoüji kümüngatsahri, küpakenühnyunü azhih vi mari azhi sanaküveh kenüh.

Nohri tü azhih mütsüwa wiethuoh, thitü mütsü wienga ma küshe münyie thuoüji mowa vi nü saküshe le na lo? Jütathuoüji zanyoküsü vü nga kümühie münyiethuoh nüh viwa jamü taji nü nyiri nüh ajinyi sakümüwiethuoh.

Jükenüh rügivü küpeh nohri Pa nüh kümühieju kümüjie nohri nga mühieju luo.

Thitü noh zhü ah üji ah nyuji nyu ti saluo, küpakenühnyunü jüma anyia vünüh küluotewa thuoüji kümüsüwa vünüh küruthuoh kenüh.

Khana kürhokhuri vü thuoüji notha küsü nüh notha küsü, thi aha küsü nüh aha küsü, ta rhüküsa nohri thsürathuoh. Thitü hi nüh nohri vü küza naveh, nohri tü müküle küsari müthoh müsa tümü, thitü jüta nyunü anyi küsüküsü nga anyi wuori nüh no nakie azhie wuo vü je thuoüji kürele wuochuwuovü nga tsüluo.

Jümpa nyunü noh notha azhie wuo vünüh no sakükhiemuo mü thuoüji noh vünüh jüma tü khrüzhujamü luo, küpakenühnyunü jüma nüh noh satsa aveh sie nyihsuozü vü wa na küsanü noh satsa vü mahnyo küsü kümiekümü nüh küünyie khe. Thi jümpa mükünyu noh ke azhie wuo vünüh no sakükhiemuomü thuoüji noh vünüh jüma tü tethuohmü luo, küpakenühnyunü jüma nüh noh satsa aveh nyihsuozü vü sie wa naküsanü noh satsa vü mahnyo küsü kümie kümü nüh küünyiekhe.