Popular Bible Verses from MATHI 28

Share

Jükenüh wa nü akuoh aveh eh sehnyi küüsaluo, Pawa thi Tsawa thi Kümtse Sietsewa nyo vünüh baptis küüsaluo. Hi nüh nohri vü momowa küza nüh vi mari vü sosietsü nü mari küümüzhe luo; thi halie, hi nüh nohri sietsehuowie naveh, tsotho sehkhe küju sietsewie naveh,” ti küza.

Thinü Jisu nüh mari vü, “Kükhra aveh, thajüwu vü nga satü azhih vü nga satü hi vü tsükhehmüthuoh.

Thitü rügizhülewa nüh nyimzari vü, “Nohri mükrütümü luo, nohri nyi küsü khieluothso rügivünüh zekekümüwa Jisu phakütse hi nüh thsüvehthuoh. Ma tü hala pehmüvehthuoh, küpakenühnyunü khana küüza kümüjie ma rhoshele tewathuoh. Ra nü VüWA khiela küzehünü noluo.

Thinü Jisu nüh mari vü, “Mükrütümü luo, wa nü ehnüri tü Galilee vü ru üti küza luo, mari jüla nüh hi siemütura naveh nüh,” ti küza.

Thi mari tü wa nü kükhruori sie sehzhuh nü kürüchie taji mari nüh raka hozake vi nü arienyiri tsü taji, “Hiri zehküveh vünüh ma sehnyiri nüh ru ma kümo wa rüza vünüh rühutewathuoh ti küza luo, thi azhü hama Kümükhrüwa nüh thsü tewa thuoüji nohri müküümünomüna nah küsa kenüh hiri mpa ma jüle naveh,” ti küza. Thi mari tü raka vi nü mari vü küüza kümüjie sa; thi zhühku hama tü khinyi küju nga Judahri azhie vü küzanyuo tsewie.