Popular Bible Verses from MATHI 24

Share

Thi khuoke kümüsü nüh küzhile kenüh küümze tü küjitewa naveh. Thitü küzhike wa sehkhe küjuwa nüh külole naveh.

Thi azhih aveh vü Kajipe Zhühthe Kümühiewa povü akuoh aveh vü küzawajuwie naveh, jüsevü nüh sehkhewa ru naveh.

Jümpa mükünyu nohri arie küsa thi arie khielota sapehküveh zhühku küphrahte thsüra naveh; jüvü, nohri luoveh lalata müsanüh sana küsa müsheluo; küpakenühnyunü zanyo hari tü sawie naküveh kenüh, thitü jü nüh sehkhe nyu.

Jütiküsavü akuoh küsü nüh akuoh küpawa münongü nüh sanaveh; thi kaji küsü nüh kaji küpawa münongü nüh sanaveh, thi luowie vü kümükhuojih sanaveh, thi mükhrüküüzhüh ru naveh. Thitü zanyo jüri aveh kümnomna pokhuri wie.

Thajüwu thi azhih thuoüji ramünaveh, thitü eh zhüri thuoüji mürarah wie.

Küpakenühnyunü nyiri hozake eh nyo viru nü, “Hi tü Khrista wa wiethuoh,” ta sanü nyiri hozake müratewa na küveh kenüh.

Jütiküsavü nyuri nüh nohri re nü kümnomna vü thse naveh, thi nohri fethe naveh; thi eh nyo kenüh akuoh aveh nüh nohri mürhü naveh. Jütiküsa vü nyiri hozake asevü tseketewa naveh, thi küsü nüh küsü retsü naveh, thi mürhüluo naveh. Thi setsaküthsü küzhühja hozake shuru nü nyiri hozake müramü naveh.

Thinü Jisu nüh mari vü, nohri nyuri nüh nohri müküümüratümü nta küsa kenüh nohri riehzi peh luo.

Jükenüh nohri nga küche mpehlaji mümühie, küpakenühnyunü nohri nüh müshe müküveh tsotho vünüh nyi Tsawa tü ru wie naküveh kenüh.

Jükenüh huopehlawie luo, küpakenühnyunü nohri VüWA tü küsie ru naveh nüh nohri tü thsümüküveh kenüh.

Thitü jüma rülo thi tsotho tü eh Pa nüh küchie nüh rügi vü zhühleri nga nyutü Tsawa nga müthsü.

Küpakenühnyunü akürie Khristari thi akürie setsaküthsüri shuru nü thsoshi küngo küürori thi küükrükükrari sanü nyiri kütsanaveh, jütisanü rüka küsari nga müra nü sietewa mühie veh.

Thi Noah tsotho vü kümüjie nyi Tsawa küruvü nga jüüta sawie naveh. Küpakenühnyunü ajuhwa müjie zhiküru küju thi Noah juhie lovü müjie tekütu küju nü nyiri tü tsa; thi zhu, vüvüh vüpa sa thi vüvüh vüpa vitsü ti sawie. Jüti sanü ajuh jiru nü mari aveh müjie küürhothe küju nü mari tü müthsü nüh sa wie; nyi Tsawa küru vü nga jüüta sawie naveh.