Popular Bible Verses from ATÜTSAR 39

Share

VüWA nüh Josef siekütse thi Josef tü zanyo küsara anyi küsü sa; jüti sanü ma tü ma vüwa, Egyptwa zheh vü peh

Jükenüh ma nüh azanyo aveh nga vi nü Josef ake vü thse khehm; thi kütsaküzhu küchie nüh zanyo küsü nga kütsaza münyie nüh sa. Jüti küsa vü Josef tü viza sheh thi nozüsheh.

Jüti sanü Josef tü aküsi saküveh küpari vü ashu küüsa, thi küsizheh vü momowa sanaveh ünüh ma ke vü peh khe.

Jüti sanü Josef vüwa tü ma vi nü küsizheh lovü thsem, kajiwa küsiri thseküsape lovü ma tü thsem. Thitü VüWA tü Josef müja thi ma müküja küümze ma kütsa, jüti sanü küsizheh kühuowa tüvü küümzera satsü.

Jüti sanü rülo pike pehveh ünü ma vüwa Potifar vüvüh tü Josef no nü ma notha tuküm sanü Josef vü, “Hi vü nyizeh jie,” ti küza. Thitü ma nüh kulem nü ma vüwa vüvüh vü, “Halie, eh vüwa nüh zanyo aveh vi eh ke vü thsem nü zanyoküsü vü nga kütsaza samveh; Ma tü azheh hala eh nyieh vünüh jimveh, thi noh wieküchie nüh azheh hala zanyoküsü nga eh ke vü mükütsotü münyie luo; küpakenühnyunü noh tü ma vüvüh küsa kenüh; jükenüh hi tü khiela nüh khuke kümsü aküji hama sanü Saküüwuowa tüvü khiemuona lo?” ti küza.

Thitü rülo küsü Josef tü nyi küsü nga mükünyie vü azheh lovü ma küüroh sa nti tu ünü, Potifar vüvüh nüh ma kruzhu shoh taji, “Hi sie zeh jie,” ti küza. Thitü Josef tü ma kruzhu Potifar vüvüh ke vü küthojakem nü zhü anyulavü shutewa.