Popular Bible Verses from MATTHEW 1

Share

Ana naomayara akha pharāra, nana awui ming Jishu phokra, kaja ana awui mibingli athumwui moreiwui eina huikhuira.”

“Yanglu, mafakathui sha̱nao akhana nao vaida mayarnao akha pharāra, kala awui ming Emmanuel phokra” (hiwui kakhalata Varena ithumli ngasomi) kajina.

Kha ana hiwui pongli machukta leilakha, yanglu, Prohowui kazingrao akhana awui mangshongli rāhānga, “Davidwui naomayara, Joseph, napreiva̱ Maryli khuikida mangacheealu, kaja ana vaida khalei chi Manglā Katharawui pangshap einana.

Jishu Khristali kapharā chi hithada shoka. Ashava̱ Mary Josephli khāmhaisai, kha ani mangakumranglakha Manglā Katharawui pangshap eina ali nao vaingasakhaira kaji theihaowa. Agahara Joseph mashun mi ngasāhaoda Maryli makhayak ngasakngaithuda ngathumsāda ali pānghaorada khangarān sai.