Popular Bible Verses from LUKE 14

Share

“Ili kharā mi kachiva̱na ava̱ avā, preiva̱, naongarā, achināngarā, azarva̱ ngara kala khalattawui mirinli mahorhairarakha, a iwui sākhangatha̱ masāpaimana.

Kachikathāna akhalattawui krush maphungla ithi shurraakha a iwui sākhangatha̱ masāpaimana.

Kaja khalatta hakkakhuiya mi chili teongasakra kala khalatta teoda kaphaninga mi chili khayā kāngasakra.”

Chithada sāda kachikathāna awui khalalei saikora mahorhairarakha iwui sākhangatha̱ masāpaimana.

“Nathumwui ngachaili kachikathā akhana shim khamathā akha sākhuira da phaningakha rimeikapta aman kayākha sha̱kha zangra kala shim chi sākhuishap lupā kayākha leili da mangachākmarala? Chi maningakha shim chi shimphungmāng sāhunhailaga makupkhuikharar tharan mibingna chi theida ali mana̱shida hāngra, ‘Mipa hiya shim sāphokkhaninghailaga makupkhuitheithura.’

Kha nana phākachizāt tharan kathai kachāmbing, khangazanbing, pheikatekbing, khangapeobingli holu. Chithākha nali somira; khiwui vangkhala kaja athumna nali marunrarmara. Kha mashunkasā mibingna ringshokthanghon nali Varena runmira.”

“Machi hi phālaka; kha machiwui katum shimānhaiakha, kathada tumngasakluipairakhala? Chikathā machi chi ngaleiwui vangla hār sādala shikachin makannāthuda thada horhaowa. Khanā kakaa mi china shākhuiranu!”