Popular Bible Verses from JOHN 12

Share

Kachikathāna ili otram ngatha̱miakha, a ili shurphalungra kala I khalei chili iwui raola sāda leira, ili otram ngatha̱khame mi chili iwui Avāna maiyā ngasakra.

Kachikathāna awui mirinli leishiakha chi shimānra, kha okathui hili awui mirinli mashivāmakha chi katang mavaila leisāra.

Kachangkhat eina ina nathumli kahāngna, māngumna ngaleilungli tāzangda mathiakha chithada leichinga, kha thihaiakha māngum kachungkha mathei ngasaka.

Ina apuk-apagva̱li kharā hi kahor thada kharāna, chi eina ili shitkasanga mi kachiva̱ tangkhamangli maleimara.

Kachikathāna iwui tui shālaga makhuisangsālala, ina ali bichar masāmana; kachiwui vangkhala kaja ina apuk-apagali bichar sākhavai maningla huikhui khavai kharāna.

Maryna aman kasaka nganamkaphā thao likli akha khuirāda Jishuwui pheili neomi, kala awui kuisam eina mitmi kala thao chiwui anganamna shim chi pemhaowa.

Chieina athumna khaneinā singlaga Jishuli samphang khavai vai, kala “Hosanna! Prohowui mingli kharā Israelwui Awungali ka̱lā mahairanu” da vaowa.

kala Jishuna anili ngahānkai, “Miwui Naomayarana tekhamatei samphangki kaji atam ara rāhaira.