Popular Bible Verses from MATTHEW 9

Share

Heitounei ngamrou Aiyei ruishik rapnung kyun, “Luknungei louyaori beimakne tanglei, heiya lukpirou thimi rapri chungmaklei. Heini nane loupunung shunchalak, heirouri Ane trun markumnanung thimi yenmalhetpirou.”

Nane holphalak, Dunpuei Khyingei lailikra asitoubi yunlei. ‘Kringpi kheiyatom Keine madulei, heitoubi khrumnarei makatkur anchumya Keine madu nimak.’ Keiri rikrai khrumna kya thimi rapya ungpirou kyong nimak, heiya thimi rapne yaikulla chalyermak thimi rapya ungpirou kyong.”

Heirou Ane thimichung kartilbi kleiya munarou, Aiyei ukningra yaya kringpikur, ngamri thimirap heiri tounaram makne lhawai lahwurbi kanwangni leikur, silpirou makkur yaorulnakne hoiyura.

Heirou heisitoubi kyunya Jesu'ne mayeknarou Ane yanung mallangkur, “Kna mak thiminungri thim ungbom thukmak, heiya kna thimi rapnungtom thim ungrou.

Jesu'ne khokul kounakle, heirou yultlai kounakra yenkarwaichabi thrilthikhou. Heirou Ane Pukhrumna Cheemra polhakbine, Thangmun Krungramei ngamrou lhangaiyei paolaa kounakya shunthutkhou, heirou limlimyei kna thimi rapyakhi raiyerpikhou.