Popular Bible Verses from MATTHEW 24

Share

Heinakei lhangaimak lhou rapya karyouyerbi, thimi rapbei malungshiril heiri trimheirou. Heiya huhuni kluiyei kheen hungphane kanthrambi doukur thimi rapri kalpi pharou.

Heirou Dunpuei Krung'rammei lhangai paolaa heiri tlaipang karyoune chaibi wa'tlungyerrou heitoubi thimi rapbei mitni muthungeirou. Heirouri tlaipang kluiyei chaan hungrouwa.”

Nane naknareikhi heirou tlatnareikhi raalpao mayekphaeirou, heinungri naiyei ukningra plangmakneya. Koungameiyo toulanungri, heinaksi raalpao rapri thukbeirou, heiya heinakpini tlaipang luinanungei lhouthukri nimakhui.

Heirou ram khatle-ramkhat kngal thukrou, Krungkul khatne krungkul khatdei doura raal dabi kardourou. Heirouri purvi-purchamkhi, kna'sakhi pulrou, heitoubi bi kantangrou linglang khngakhi thukrou. Lhouthuk namyerwa heiri naopuktir manshan kna'naklei.

Thangmun heitoubi tlaipangpal namyerwa maangkurkhi kya, heiya Keiyei yunthutkur ari tloulhang khatkhi maangmakrou.”

Thimi chungne Keiminra, ‘Keiri Messiahme!’ toubine yunkarsabi hungthukeirou. Heitoubi yane thimi chungwaya lam tamungyerheirou.

Heirouri yane naya manbine, klah-mrimni marhotbi, heirou hatnungei miyei hutra pithutdeirou. Keiyei ngamrou thimi nammane naya machinheirou. Thimi namyerwani yaiyei uklumya malummurbi, yane khatle-khat yorcharillou, heirou khatle-khat machinrilheirou. Heirouri klallei paocha thimi chungwane hungthukbine, heirou yane thimi chungne lam tamungyerheirou.

Heirou Jesu'ne loumallangpi, “Nane mukheine leilak, heirou mine naya thi'msityermak.

Heiyanungri, nanekhi kheenserrou marshikbi leiyalo, ngamri nane marshikmakne leiyeinung Thimiyei Chanapawane yongkurkhi kya.”

Heiyanungri nane mukheine kanthrambi loungaklak, ngamri naiyei Puni kounakei tlainirou yongrouwo touri nane mumak.

“Heiyanungkhi, thimi hukhatnekhi kounirou, nimanung koukheenrou hoirouwo touri mumaklei-Thangmunra klei Thangring rapnekhi, heirou Chanapawa'nekhi heiyei kheen, nimanung tlaini heiwaya mumaklei; heiya Pawa'tomni kmu.

Koungameiyo toulanungri, toukarsa Messiah heitoubi toukarsa Thimkhuirap hungthukheirou; heirou yane Dunpuei khalthutkur thimi rapyakhi malhimna'nungei kngakei lhourap kounak, heirou mine toumanemak lhou rapya touheirou.

Thimiyei Chanapawane yongeinungri Noahyei chaanrou thukkurkhou heinakrimne hoirou. Noahyei chaanrou, yuitangni dumbongnung thimi rapne chamalip-mongmalipbi leikhou, Noah'ne malira polhakur tlainirou phane thimi rapne nu'klou-shal dunnei lhou rapya toubine houklumni tulpungei lhouya toubine leikhou; heiya yuitangni yaya katmartlao'bongyen heinakei lhou rapya hukhatnekhi ningthutkhoumak. Heinakrimne Thimiyei Chanapawane yongei kheenroukhi hungthukeirou.