Popular Bible Verses from KANTHOUNA 9

Share

Heirou Dunpune shun, “Keile nangle, heirou nangkou kalhonbi klei lhawaipal chiwirap nammaei tlakra khoupikur tlou kantomnei mu'kna hutlha awari hillei hungroukyou yuthit-chathit phani leirouwa. Heirou Keine ramei hangra langthingsui khoupirou, heiwani Keile tlaipangpallei tlakra khourilkur tlou kantomnei hutlha hoirou.

Ramei hangra langthingsui alyeinung, heiwaya Keine mubi, Dunpule tlaipangpallei lhawaipal chiwirap nammaei tlakra khoupikur klui naimak tlou kantom heiya Keine malummakni ningthutrou.”

Thimi hukhatni thimi khatya hee dayerlanungri, ayakhi mini hee dayerrou; koungameiyo toulanungri Dunpune tlaipang thimiya Aiyei shakrung loubini sheemkhou.

Heirou Dunpune Noahle aiyei chanao rapya phor shaampiwurbi yanungei shun, “Lung punbi yu-cha shunlakasu, heitoubi tlaipangpal karyouni thimlakasu.

Ringbi klei chiwirap namyerwa heiri naiyei murchaknungei hoirouwa; heirou heengna-rona mar'em nammakhi Keine nanungei ukchak hoinanungei piwurla; heinakrimni Keine put namyerwa heiri nanungei piwurla.

Tlaipangpallei yaalim-yoolim nammakhi, nungthourei traicha waalim nammakhi, thleira ukni tulchabi klei frullim nammakhi, heirou yuirillei thangalim nammanikhi naya chini leilakasu; heitoubi yarap namyerwa heiri naihutra silnawurla.

Heitoubi pung-shaan hoiniyasu, heirou thimi mshingkhi chungduilakasu, heitoubi tlaipangpal karyouni paallakasu.”