Popular Bible Verses from HOYOUNA 20

Share

“Keiri naya Egypt ramra shok khoini leikhounarei yenruithutkur naiyei Pu Dunpume. “Nangni Keiyei maibongra thraidei khoubini khrumnung yamakrou.

“Nangni nungthourei traicha waa rapbei, nimanung thleirei klei yaa rapbei, nimanung yuirei klei chiwi rapbei lha rapkhi neitam sheemthutnung yamakrou. Nangni heinaksi lha rapya khrumnungkhi yamakrou, nimanung heirapya watlhou toupinungkhi yamakrou; kouweiyo toulanungri, neiyei Dunpu UMPU Keiri beimakni horthitang Dunpu, heirou Keiya machinkna thimi rapri yai puipa rapbei chaan'rouweini yaiyei chathun-yuthunyei chaan'khyum-chaan'phali ramphani Keine thilhakbi klah'knang dayerrou.

“Neipui-neipaya rikrai khrumnalak, heiyanungri neiyei Dunpu UMPUne neinungei piwurkhou tlaipangpal arouwei neiyei rongchan pulchini thrung yarou.

“Sabbath” tlainiya ningthutlak, tlaini heiwaya khyingni khoulak.

“Nangni karshukmakna bomra neiyei Dunpu UMPUei minya pangsani mintlangnungei yamakrou; kouweiyo toulanungri, koukhi karshukmakna ngamra Keiminya pangsani mintlangkur thimiyari hangwalni lakhoumakrou.

Tlaini thruknibil nangni lhou churbini, heirou neiyei watlhourap namma touchilaka. Heiya enini tlung tlaini heiwari neiyei Dunpu UMPUei Sabbath hoirou da; heiyei tlainirouri nangni kou lhoukhi paangnungei yamakrou; heirou nangnikhi nimanung neiyei cha napawa rapkhi, nimanung neiyei cha napuiya rapkhi, neiyei shok napawarap, nimanung shok-napuiya rapkhi, heirou nangkou leimalkna ui-waa rapkhi, nimanung miram-mithrillei thimi rapkhi lhou paangnung yamakrou.

“Nangni neiyei cheemlhunyei putcheiya horthibi maduphamak; nangni neiyei cheemlhunyei nuya, nimanung aiyei shok napawa, nimanung aiyei shok-napuiya, nimanung aiyei halpa rapya, nimanung aiyei gadha rapya, nimanung aiyeime toubi klei putchei rapya kouchakhatkhi horthibi nangni madumak.”

“Nangni neiyei cheemlhun rapbei doura karhani sowal khingbaangbi klal theibaangmak.

“Nangni minu-micha lalmak.

“Nangni thimi hatmak.

“Nangni muchamak.