Popular Bible Verses from LUKAQ 5

Share

Apaiq raq mungmaiqse ma trahokuq lot raütiishe, “Lai ka phanshi kham atsaü linlin kiiniishe jiiq wan laq. Laüta, ümkongtitiim namtsam raq ngiq ka khup ronglaq,” nguta Simon ka thaüto.

Kiijiishe, Simon raq, “Shrinketi we, naishiq ka rawa minru ngiq khup niisiq kai. Shatmaq, ralang khampüse dongdii min pan mak. Li jiimin, ümbom tre khup tlang pha,” nguta apaiq bom ka treto. Kra bom raütiishe, tsangshiq raq lai ka kham mong na jiiq wan raüta ngiq ka khupto. Kiimaq ngiq ka pahea, chiiq thun kra tiichaiki nam nam lapto.

Shatmaq, apaiq ka maiq akaiq kaiq ba na, apaiq honhonse kiholili raüta, achu jaüto.

Ngi ka lüsaü wase sitlaq kriiti ngarai diike kai akiha ka riimak. Shatmaq, anun phan nai ashleq arbaiq maiqse sitlaq, kriiti ngarai diike kai akiha.”

Simon Petar raq, kra chhi raüta, Jesuq jichong na bumki raütiishe, “Tatiwe le, ümniika i tho wa tiijin tlo laq! Ngi arka ngarai maiq!” nguta Jesuq ma chongto.

Kiijiishe, Jesuq raq treto, “Ju wa hansang sitlaq, kriiti miika shammi ka ra mak. Shatmaq, ju wa atsi, kriiti miika shammi ra tlo!

Krai mren she, tsangshiq raq lai wiinai ka, takii niishe tatthüto. Raüta, phanrap ta awii thun ka kiijaq miimthü raütiishe, Jesuq jai phan phan she wawan damto.

Akhing ashi na, Jesuq ka chela ashi na riito. Kiijaq maiq weshi ka rampun tsi raq, kai chamchao. Kra atsiti we raq Jesuq ka chhi raüta, Jesuq miki na bumki tlii maq, “Shiilang we lei, ümniiraq thapthi haü jiila, i thatsi arka mitiisii kuqlot haü!” nguta tiipaiqneato. Kiijiishe, Jesuq raq ajaq ka tiipii saq raüta, adü na jaq maq sham lam maq, “Ngi raq tiiheake rotiikang. Ümchaü min thatsi ka siikikiq!” nguta treto. Krai mren, kriiwe rampun tsi ka, tiidoqra heasaq heakito.

Shatmaq, Jesuq tsaki tsütsa kriika, kra hong binjü na barap binrii niishe nyam wanto. Kiimaq mungmaiqse pahea raq, apaiq traho bomchong kra tai miitu nai tsangshiq thatsi kra tiiheakai nguta, apaiq phana kirai wanto.