Popular Bible Verses from JOHAN 8

Share

Jesuq raq Phorisinok ma thongshi ri hali akha chongkuqto, “Ngi ahata mangjong maiqse ma rawü li. Juwa i puk na nyap tlaq kriiti raq rilung rawü milap wan. Kiimaq ümtiikiimin ranyaq mong na khum mak she miraq.”

Krai mren, namshiq raq Shiikeawe ka juwa kra riikhaqli misap han. Kiimaq kra tengteng bomtsi sap tlan kriiraq, namshiq ka wasetiim miishe mitiija wan.”

Kiijiishe, Jesuq raq apaiq ma kamti Jehudinok ma akha chongkuqto, “Namshiq raq i bomtsi ara namtsan mong na shaq lanta, lang han jiila, namshiq ka awongsii i jaqshisetiim ma mija han.

Krai mren, Ase raq namshiq ka daa wan raütiq, namshiq ka riikhaqli wasetiim ma mija wan lot han.

Riita, tsangshiq raq apaiq ma bom ka tiijangkiki wairuq wairuq she wairat hokiita, apaiq ka anga wa atiido raütiishe tsangshiq bom ka akhiishe treto, “Ikhiijiila ahea. Ümchaü min, namshiq phong wa maiq ümriiti riiwa, jangshi min ngarai ka tang mang nguta tiima tlaq, kriiti raq arnyung dü na long ka kongkhu mithong pha laq.”

Kiijiishe, Jesuq raq tsangshiq ma akha chongkuqto, “Ngi raq chongtiikang arka tengteng: Jurwa ngarai tang tlaq, kriiti ka ngarai dise.

Nokwe pinho lot ri she, Jesuq ka achap raütiishe jechak nyung kiima bom ka akhiishe waito, “Maiqnyung loi, tsangshiq ka ümbano? Ümniika tiishut baiq miitu ju min tiichong mak sha riita?” Kiijiishe, “Shiilang we lei! Jurmin ngi ka tiishut baiq mak dea,” nguta jechak nyung raq Jesuq bom ka treto. Kiijiishe, “Ahea, ikhla. Ngi riimin ümniika tiishut mang. Walaq, ümjam na. Laüta, ümchaü armiiphat sanha, ümniiraq ngarai ka naq klo kiq she,” nguta Jesuq raq kra nyung ma tsii ka chongkuq raütiishe apaiq ka tiiwa baiqto.