Popular Bible Verses from JOHAN 4

Share

Shiikeawe ka Wenyi kiimaq tengteng. Krai mren, maiqse raq apaiq ka, apaiq Wenyi maq, apaiq raq maiqse jaq wa, jamkha shomnoq wa lungwii tlaq, kra phan phan li apaiq ka shomnoq chang.”

Shatmaq, akhing ka saüho tlo she, sha saükito she ngu i, maiqse raq Awe Shiikeawe ka Asii Wenyi ningkun maq, apaiq raq maiqse jaq wa jamkha shomnoq wa lungwii tlaq, kra phan phan riikhaqli mishomnoq wan.

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

Kiijiishe, “Shiikeawe raq maiqse ma jamlai kongphiq kewan ro wa, kra ümniiraq tak haü jiika, kiimaq ümjaq wa kham jaüti we ka juwa, kra ümniiraq sap haü jiika, apaiq jaq wa ümniiraq jaü haü jaq, apaiq raq ümniima rilung tsitsü kham mikuq wa”

Kiijiishe Jesuq raq tsangshiq ma chongto, “Ngi ma dung ka, ngi tiikaiti we wak na minshiiq tiikang kra. Apaiq raq ngi ma jaqsham akuq tlot wan tiikang ahata, ngi ma dung pin.

Kiijiishe, Jechak nyung raq waito, “Shiilangwe, ümjaq na kham khechang balting min ahü. Kiimaq ara khappong arka atsaüwiq. Kra chong tlaü rilung tsitsü kham ka ümbawo milap haü?

Kiijiishe, Jechak nyung raq Jesuq bom ka treto, “Ngi raq asap ha, Khristo ka misaüho she. Apaiq she saüki raüla, naishiq ma phanrap she michong kuq.” Kiijiishe, Jesuq raq apaiq ma chongto, “Ngi ahata apaiq. Ngi ümchaü ümniirai riibom rai dam tiikang we ahata apaiq.”

“Warong ra, liiwa rongkiq. I niikiijaq, maiqwe ashi, ngi raq i rilung na ümchuwa ahea abi klo kang thun kra wiita asap siisaq. Apaiq ka Khristo ngutlaq kiiwa riita nya?”