Popular Bible Verses from JOHN 15

Share

“Kei vomhrui eng kha kae, khana nangni abâk chei kha kae. Keia aka-om ṭhak hei leh kei anmania aka-om ṭhak eng, khahei kha’n kara katamtak annei sik; ajârchu kei tei loa nangni’n heite tlotor mak tin chei.

Keia omṭhak ruh, khana kei nangnia ka-om ṭhak sik eng. Vomhrui bâk inkhat kha abinga kara nei tor mak; athlurpuia akai leh rōk khan a’nrator kae. Kha leh in-angtlinga nangni keia nan-om ṭhak mak inchu kara nei tor mak tin chei.

Nangni keia nan-om ṭhak a, khana kaṭong nangni shunga a-omṭhak a achang inchu, hei-achang inum nangni’n nanta madu nantader kha nanchen sik.

Nangni’n kei nantakadei eng changmak; nangni nanvase leh kara katamtak kasôttak a a’nra sik a, ke’n nangnijôk kakadei cheia kamanṭang chei kae. Khava jâra hei-achang inum kapa hneng karahminga nantader kha Pa khan apek sik chei.

Mi inkhat in aṭhōnhei sik lungsetna kalenpen anei tor khachu, anmani sik ahringkhō aphesōt kha kae.

Ama’n keia ka-om abâk a’nramak rakip kha atuk mathlâk hei, khana kara kanei abâk seng kha a’nthengna sik leh akara atam chetna sik amanhleng heia kae.

Ke’n nangni kalungset chei kapōa, nangni khat leh khat inlungset ruh, ti hi kaṭong pek chei kae.

Kara katamtak nannei jâra kapa lûrna kha a’nlâr kae; khang’khan nangni kei sonle akachang chei kae.

“Kei vomhrui kadiktak eng kae, khana kapa’n arahōn kathlō kha kae.

Tu achang inum keia aka-om ṭhak mak khachu abâk inkhat kapōa hlonsōt a ka-om khana kachâr ri jo; khang khava bâk-hei kha chom mantûp a hmeishunga anhlon manhlut ri hei khana khan kakâng jo hei.

“Nanchunga ka’npâkna kha a-omna sik, khana nangnihei inpâkna kha pui atluk theina sik, hivahi kahri pek dek chei kae.

Ke’n kapa ṭongpek kajuia alungsetna a khan aka-om ṭhak eng kapōa, nangni’n kaṭong pek chei nanjui inchu, kalungsetna cheia khan aka-om ṭhak chei kae.

Khava jâra hivahi kaṭong pek chei kae: khat leh khat inlungset ruh.

Nangni vânhnōi ralei ta nanchang inchu, vânhnōi in atâ kapōtak a alungset sik chei kae. Tâk-kha ke’n nangni hiva vânhnōi raleia inphut kakadei chei kae, khana vânhnōi ralei ta changmak chei, khava jâra vânhnōi in nangni antahōt chei kae.