Popular Bible Verses from JOHON 14

Share

“nangei kolla kahouphur chu adai ha sa ae; nahi kakolla am adai ha sa ae nangeita kapekhi. Keina kapek hi alei ram ma pek hek tino ae. Nangei olno oh, khachu ningsi ningrhul ae no oh; nangei atino oh.

Jisuna makolla sangphure, “Keina, lamha, adikha akha chu ringchang ha inge; kei ano ah chu atunako Mapa kolla thingne angnowe.”

“Nangei olno aowo akha chu ningsi ningrhul aenou wo,” Jisuna manita rilphure. “Chungthiengta ngoiringo khachu keitako ngoiringo.

Sanpipa ha, Atheing Muilha ha, Kapana kaninga lha angpa hana nangeita eiheilim chupi ange, hana karilphur lim hi amona nangeita songyelpi ange.

“Atuyonglimna katarakitrou ngaipiya, yuipi lea chu amo ha keita lungsi mee akha ae. Keita lungshi mee ha Kapana lungsi ange. Keina ko lungsi ange akha chu kei katak mak machung ripi ange.”

Keina mapa hata ni-ange, hana amona adang sanpinepa akha nangeita pe-ange, amohana nangei itta atreem amnolutta am ha ange. Amoha ae Chungthieng hina marama adiek ka ripinepa Muilha ha. Alei ramna amota langne angnowe, tichu amochu riko, dangko nea ang no ae. Chutiweta nangei chu amota dangchou weh, tichu amona nangei itta amha ae, khachu nangei sunga ame.

Hana kaminga nangei niek lim ha keina ae-ange, hana jui ah chu Mapa hana Mahung Majai lim asanaopa Chungthieng thouwa ri-ange. Eyonga kaminga nangeina eiheilim saile chu, keina ae-anginge.

“Eyonga nangei na keita lungsile, nangei na kata rakitrou jui ange.”

Kapa inna tungrang amhome, hana keina nangei tarang amunt semthing inge. Hitinole nangeita rilphur ang no singe.

Chuna keina nangei tarang amunt semthingle, kei leya yungsira nangei keina rui kallange, chuna ka-amna hana nangeiko amange.

Thoma na makolla rille, “Reng, nang hoiya thingang kanina dang nongei chuna kanina ha pharang lamha alota dang ang meh?”